ଖୁବ୍ କମ୍ ଲୋକ ଜାଣିଥିବେ ଯେ, ନୀତା ଅମ୍ବାନୀ ଏବଂ ମୁକେଶ ଅମ୍ବାନୀଙ୍କ ଭାବି ସାନ ବୋହୂ ରାଧିକା ମର୍ଚେଣ୍ଟ ଏକଦା ଇସପ୍ରାଭ୍ରେ ସେଲ୍ସ ଏକ୍ଜିକ୍ୟୁଟିଭ ଭାବେ କାମ କରୁଥିଲେ। ଏହା ଗୋଆର ହୋଲିଡେ ହୋମ୍ସ ସେଲ୍ କରୁଥିବା ଏକ କମ୍ପାନୀ। ଏନ୍କୋର ହେଲ୍ଥକେୟାରର ସିଇଓ ତଥା ଭାଇସ ଚେୟାରମ୍ୟାନ୍ ବିରେନ ମର୍ଚାଣ୍ଟଙ୍କ ସାନ ଝିଅ ରାଧିକା। ରାଧିକା ନ୍ୟୁୟର୍କ ୟୁନିଭର୍ସିଟିରୁ ପଲିଟିକାଲ ସାଇନ୍ସ ଏବଂ ଇକୋନୋମିକ୍ସରେ ଗ୍ରାଜୁଏଶନ କରିଛନ୍ତି। ତାଙ୍କର ବଡ ଭଉଣୀ ଅଞ୍ଜଳୀ ମର୍ଚାଣ୍ଟଙ୍କ ବିବାହ ସରିଛି। ରାଧିକାଙ୍କ ମା’ଶୈଳା ମର୍ଚାଣ୍ଟ ସ୍ବାମୀଙ୍କ କମ୍ପାନୀ ବୁଝାଶୁଝା କରନ୍ତି। ତେବେ ମୁକେଶ ଅମ୍ବାନୀଙ୍କ ବଡ଼ ପୁଅ ଆକାଶଙ୍କ ବିବାହ ଉତ୍ସବରେ ଯୋଗ ଦେବା ପରଠାରୁ ରାଧିକା ଚର୍ଚ୍ଚାରେ ରହିଛନ୍ତି। ଉକ୍ତ ସମୟରେ ଜଣାପଡ଼ିଥିଲା ଯେ, ରାଧିକା ଅନେକ ବର୍ଷ ହେବ ମୁକେଶ ଅମ୍ବାନୀଙ୍କ ସାନ ପୁଅ ଅନନ୍ତ ଅମ୍ବାନୀଙ୍କ ସହ ସମ୍ପର୍କରେ ରହିଛନ୍ତି। ନୀତା ମଧ୍ୟ ରାଧିକାଙ୍କୁ ବହୁତ ପସନ୍ଦ କରନ୍ତି। ଖୁବ୍ ଶୀଘ୍ର ରାଧିକା ଏବଂ ଅନନ୍ତଙ୍କର ବିବାହ ହେବ ବୋଲି ଚର୍ଚ୍ଚା ଜୋର୍ ଧରିଛି। ରାଧିକାଙ୍କୁ ଅମ୍ବାନୀ ପରିବାରରେ ହେଉଥିବା ସମସ୍ତ ସମାରୋହରେ ଦେଖିବାକୁ ମିଳିଥାଏ। ଅଧିକାଂଶ ସମୟରେ ତାଙ୍କୁ ଅନନ୍ତଙ୍କ ସହ ବାହାରେ ବୁଲୁଥିବାର ମଧ୍ୟ ଦେଖିବାକୁ ମିଳିଥାଏ। ଏବେ ରାଧିକା ନିଜ ପରିବାରର ବ୍ୟବସାୟ ସମ୍ଭାଳୁଛନ୍ତି।