ମେଲବୋର୍ନ,୨୮।୧: ସ୍ପାନିଶ କିମ୍ବଦନ୍ତୀ ଟେନିସ ଖେଳାଳି ରାଫେଲ ନାଡାଲ ଇତିହାସ ରଚିବାଠାରୁ ହାତେ ଦୂରରେ ଅଛନ୍ତି। ତାଙ୍କ ପାଖରେ ବିଶ୍ୱର ପ୍ରଥମ ପୁରୁଷ ଭାବେ ୨୧ତମ ଗ୍ରାଣ୍ଡସ୍ଲାମ ଟାଇଟଲ ହାତେଇବାର ସୁଯୋଗ ରହିଛି। ଚଳିତ ଅଷ୍ଟ୍ରେଲିଆନ ଓପନରେ ଶୁକ୍ରବାର ଲାଭର ଏରିନାଠାରେ ଅନୁଷ୍ଠିତ ସେମିଫାଇନାଲରେ ଇଟାଲିର ମାଟେଓ ବରେଟିନିଙ୍କୁ ୩-୬, ୨-୬, ୬-୩, ୩-୬ ସେଟ୍ରେ ହରାଇ ଦେଇଛନ୍ତି ବିଶ୍ୱର ଦ୍ୱିତୀୟ ର଼୍ୟାଙ୍କଧାରୀ ନାଡାଲ।
ଏହି ବିଜୟ ଯୋଗୁ ନାଡାଲ ୨୧ତମ ଗ୍ରାଣ୍ଡସ୍ଲାମ ଟାଇଟଲ ଠାରୁ ଆଉ ଗୋଟିଏ ବିଜୟ ଦୂରରେ ଅଛନ୍ତି। ଏପର୍ଯ୍ୟନ୍ତ ଟେନିସ ଇତିହାସରେ କୌଣସି ପୁରୁଷ ସିଙ୍ଗଲ୍ସ ବର୍ଗରେ ୨୧ଟି ଗ୍ରାଣ୍ଡସ୍ଲାମ ଟାଇଟଲ ହାସଲ କରି ନାହାନ୍ତି। ନାଡାଲଙ୍କ ବ୍ୟତୀତ ସର୍ବିୟାର ନୋଭାକ ଜୋକୋଭିଚ୍ ଓ ସୁଇଜରଲାଣ୍ଡର ରୋଜର ଫେଡେରରଙ୍କ ନାମରେ ୨୦ଟି ଗ୍ରାଣ୍ଡସ୍ଲାମ ଟାଇଟଲ ରହିଛି। ତେବେ ସେମିଫାଇନାଲରେ ନାଡାଲ କେଉଁ ପ୍ରତିଦ୍ୱନ୍ଦ୍ୱୀଙ୍କୁ ଭେଟିବେ, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଦ୍ୱିତୀୟ ସିଡ୍ ଡାନିଏଲ ମେଡଭେଡେଭ ଏବଂ ଗ୍ରୀସର ୪ର୍ଥ ର଼୍ୟାଙ୍କ ଷ୍ଟେଫାନସ ସିତସିପାସଙ୍କ ମଧ୍ୟରେ ହେବାକୁ ଥିବା ଦ୍ୱିତୀୟ ସେମି ଫାଇନାଲ ବିଜେତାଙ୍କୁ ନାଡାଲ ଭେଟିବେ।
