ଯାଜପୁର ୧୭।୧୨: ଯାଜପୁର ଜିଲା ନେଉଳପୁର ଅଞ୍ଚଳରୁ କଶ୍ମୀର ଆତଙ୍କବାଦୀ ସୟଦ ଇଶାନ ବୁଖାରୀ ଶନିବାର ଗିରଫ ହୋଇଥିଲେ। ବୁଖାରୀଙ୍କୁ କ୍ରାଇମବ୍ରାଞ୍ଚ ଏସ୍ଟିଏଫ୍ ଚଣ୍ଡିଖୋଲ ଜେଏମ୍ଏଫ୍ସି କୋର୍ଟରେ ହାଜର କରାଇଥିଲା । ସେଠାରେ ଜାମିନ ନାମଞ୍ଜୁର ହେବାରୁ ତାଙ୍କୁ ହାଜତକୁ ପଠାଇଯାଇଛି ।
ସେ ବର୍ତ୍ତମାନ ରଗଡିସ୍ଥିତ ଯାଜପୁର ଉପ-କାରଗାରରେ ରହିଛନ୍ତି। ତାଙ୍କୁ ଉପ-କାରଗାରର ସ୍ବତନ୍ତ୍ର ସେଲ୍ରେ ରଖାଯାଇଥିବା ଜେଲ ସୁପରିଟେଣ୍ଡେଣ୍ଟ ସୂଚନା ଦେଇଛନ୍ତି । ଏହାସହିତ ଜେଲ୍ରେ ସୁରକ୍ଷା ବଢାଇବା ପାଇଁ ଅଧିକ ପୋଲିସ ଫୋର୍ସ ମୁତୟନ କରିବାକୁ ଜେଲ ସୁପରିଟେଣ୍ଡେଣ୍ଟ ଯାଜପୁର ଏସ୍ପିଙ୍କୁ ଜଣାଇଥିବା କହିଛନ୍ତି।