ଝାରସୁଗୁଡା ଅଫିସ,୪।୯: ଚଳିତ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପରେ ଝାରସୁଗୁଡା ଜିଲା ଲଖନପୁର ବ୍ଲକର ନବନିର୍ବାଚିତ ସରପଞ୍ଚମାନଙ୍କୁ ନେଇ ସର୍ବସମ୍ମତିକ୍ରମେ ରବିବାର ଏକ ସରପଞ୍ଚ ସଂଘ ଗଠିତ ହୋଇଯାଇଛି । ଏହି ସଂଘର ସଭାପତିଭାବେ ବରିଷ୍ଠ ସଦସ୍ୟ କୁଶ୍ରାଲୋଇ ଗ୍ରାମ ପଞ୍ଚାୟତ ସରପଞ୍ଚ ରଘୁମଣି ପ୍ରଧାନଙ୍କୁ ସର୍ବସମ୍ମତିକ୍ରମେ ମନୋନୀତ କରାଯାଇଛି । ଏହାକୁ ସଂଘର ସଦସ୍ୟମାନେ ସମର୍ଥନ ଜଣାଇଛନ୍ତି । ଏନେଇ ନବନିର୍ବାଚିତ ସଭାପତି ପ୍ରଧାନ ତାଙ୍କ ପ୍ରତିକ୍ରିୟାରେ କହିଛନ୍ତି, ଲଖନପୁର ବ୍ଲକରେ ଯେମିତି ସାମୁହିକ ଉନ୍ନତି ହୋଇପାରିବ। ଏ ଦିଗରେ ସଂଘର ସଦସ୍ୟ ଓ ଅନ୍ୟ ସ୍ଥାନୀୟ ଜନପ୍ରତିନଧିଙ୍କ ସହଯୋଗ ନେଇ କାର୍ଯ୍ୟ କରିବି। ଏହି ଅବସରରେ ଲଖନପୁର ବ୍ଲକ ଅନ୍ତର୍ଗତ ସୁନାରୀ ପଞ୍ଚାୟତର ରମ୍ପାଲୁଗା ପି୍କନିକ୍ ସ୍ଥଳରେ ଏହ ବୈଠକ ଅନୁଷ୍ଠିତ ହୋଇଥିଲା। ଏଥିରେ ବ୍ଲକର ସରପଞ୍ଚମାନେ ଯୋଗଦେଇଥିଲେ।
