ଲକ୍ଷ୍ନୌ,୧୪।୫: ଉତ୍ତରପ୍ରଦେଶ ଜନସତ୍ତା ଦଳ(ଗଣତାନ୍ତ୍ରିକ) ମୁଖ୍ୟ ରାଜା ଭୈୟା ଲୋକ ସଭା ନିର୍ବାଚନରେ କୌଣସି ଦଳକୁ ସମର୍ଥନ ଦେବେ ନାହିଁ ବୋଲି ଘୋଷଣା କରିଛନ୍ତି। ନିଜର ବିବେକ ଏବଂ ପସନ୍ଦ ଅନୁଯାୟୀ ଭୋଟ୍ ଦେବାକୁ ସେ ଜନସାଧାରଣଙ୍କୁ ନିବେଦନ କରିଛନ୍ତି। ତେବେ ଏହି ଘୋଷଣା ପୂର୍ବରୁ କୌଶମ୍ବୀରୁ ଭାଜପା ପ୍ରାର୍ଥୀ ବିନୋଦ ସୋନକର ଏବଂ କେନ୍ଦ୍ର ମନ୍ତ୍ରୀ ସଞ୍ଜୀବ ବାଲିଆନ ବେଣ୍ଟିରେ କୁଣ୍ଡାକୋଟିରେ ପହଞ୍ଚି ରଘୁରାଜ ପ୍ରତାପ ସିଂ ଓରଫ ରାଜା ଭୈୟାଙ୍କୁ ଭେଟିଥିଲେ।
ରାଜା ଭୈୟା ଏବଂ ଭାଜପା ନେତାଙ୍କ ଭେଟର ଫଟୋ ସାମ୍ନାକୁ ଆସିବା ପରେ ରାଜନୈତିକ ସମୀକରଣ ବଦଳିବା ଦେଇ ଚର୍ଚ୍ଚା ଆରମ୍ଭ ହୋଇଥିଲା। ହେଲେ ବୈଠକ ପରେ ଏଭଳି ଘୋଷଣା ଭାଜପାକୁ ବଡ଼ ଝଟ୍କା ଭଳି ବୋଲି କୁହାଯାଉଛି।
