ନୂଆଦିଲ୍ଲୀ,୭।୯: ଭାରତୀୟ ରିଜର୍ଭ ବ୍ୟାଙ୍କର ପୂର୍ବତନ ଗଭର୍ନର ରଘୁରାମ ରାଜନ ଚଳିତ ଆର୍ଥିକ ବର୍ଷର ପ୍ରଥମ(ଏପ୍ରିଲ-ଜୁନ)ରେ ମୋଟ ଘରୋଇ ଉତ୍ପାଦନ(ଜିଡିପି)ରେ ୨୩.୯ ପ୍ରତିଶତ କମ୍କୁ ଚିନ୍ତାଜନକ ବୋଲି କହିଛନ୍ତି। ସେ କହିଛନ୍ତି ବର୍ତ୍ତମାନର ଏହି ସଙ୍କଟ ସମୟରେ ଅଧିକ ବିଚାରବନ୍ତ ଓ ସକ୍ରିୟ ସରକାରଙ୍କ ଆବଶ୍ୟକତା ରହିଛି। ରାଜନ କହିଛନ୍ତି ଦୁର୍ଭାଗ୍ୟ ବଶତଃ ଆରମ୍ଭରୁ ଯାହା ଦ୍ରୁତ ଗତିରେ ବଢି ଚାଲିଥିଲା ଏବେ ତାହା ଥଣ୍ଡା ପଡିଯାଇଛି। ରାଜନ ତାଙ୍କ ଲିଙ୍କଡଇନ୍ ପେଜରେ ପୋଷ୍ଟ କରି ଲେଖିଛନ୍ତି ଆର୍ଥିକ ବୃଦ୍ଧିରେ ଏତେବଡ ପତ୍ତନ ଆମ ସମସ୍ତଙ୍କ ପାଇଁ ଚିନ୍ତାର କାରଣ। କରୋନା ପ୍ରଭାବରେ ଇଟାଲୀରେ ଏହା ୧୨.୪ ଥିବା ବେଳେ ଆମେରିକାରେ ଏହା ୯.୫ ପ୍ରତିଶତ ରହିଛି। ତେବେ ଦେଶରେ ଏତେ ଖରାପ ଡିଜିପି ଆହୁରି ଏକ କଥା ସୂଚାଉଛି କି ଅଧିକାରୀ ସ୍ତରରେ ଏବେ ଆତ୍ମସନ୍ତୋଷରୁ ବାହାରକୁ ଆସି ଅର୍ଥବ୍ୟବସ୍ଥାର ଗତିବିଧି ଉପରେ ଧ୍ୟାନ ଦେବେ। ରାଜନ ଏବେ ସିକାଗୋ ବିଶ୍ୱବିଦ୍ୟାଳରେ ପ୍ରଫେସର ଅଛନ୍ତି।