ନୂଆଦିଲ୍ଲୀ,୧୪।୬: କଂଗ୍ରେସ ନେତା ରାହୁଲ ଗାନ୍ଧୀ ଲୋକ ସଭାରେ ବିରୋଧୀ ଦଳର ନେତା ହେବାକୁ ଚାହୁଁନାହାଁନ୍ତି। ବିଶେଷ ସୂତ୍ରର ଖବର ଅନୁଯାୟୀ, ଏକ ଘରେଶଇ ଟେଲିଭିଜନ ଚ୍ୟାନେଲ ପ୍ରକାଶ କରିଛି ଯେ ରାହୁଲ ଗାନ୍ଧୀ ବର୍ତ୍ତମାନ ଦଳର ସଂଗଠନକୁ ମଜବୁତ କରିବା ପାଇଁ କାର୍ଯ୍ୟ କରିବାକୁ ଚାହୁଁଛନ୍ତି।
ସୂତ୍ରରୁ ପ୍ରକାଶ ଯେ ଯଦି ରାହୁଲ ଗାନ୍ଧୀ ଲୋକ ସଭାରେ ବିରୋଧୀ ଦଳର ନେତା ନ ହୁଅନ୍ତି, ତେବେ ବହୁ ନେତାଙ୍କ ନାମ ଏହି ଦୌଡ଼ରେ ଅଛି। କେସି ଭେନୁଗୋପାଲ, ଗୌରବ ଗୋଗୋଇ, ମନୀଷ ତିୱାରୀ, ଶଶି ଥରୁର ଏବଂ କୁମାରୀ ଶୈଳଜାଙ୍କ ମଧ୍ୟରୁ ଯେକୌଣସି ବ୍ୟକ୍ତି ବିରୋଧୀ ଦଳର ନେତା ହୋଇପାରନ୍ତି।
ବିରୋଧୀଦଳର ନେତା ହେବାକୁ ଦୌଡ଼ରେ କୁମାରୀ ଶୈଳଜା ପଛରେ ରହିଛନ୍ତି ବୋଲି ବିବେଚନା କରାଯାଏ। ଏହାର କାରଣ ହେଉଛି, ପୂର୍ବରୁ ଦଳିତ ସମ୍ପ୍ରଦାୟର କଂଗ୍ରେସ ସଭାପତି ମଲ୍ଲିକାର୍ଜୁନ ଖାର୍ଗେ ରାଜ୍ୟ ସଭାରେ ବିରୋଧୀ ଦଳର ନେତାଙ୍କ ଦାୟିତ୍ୱ ତୁଲାଉଛନ୍ତି। ସୂଚନାଯୋଗ୍ୟ, ନିକଟରେ ଦିଲ୍ଲୀରେ ଅନୁଷ୍ଠିତ କଂଗ୍ରେସ ୱାର୍କିଂ କମିଟି ବୈଠକରେ ରାହୁଲ ଗାନ୍ଧୀଙ୍କୁ ବିରୋଧୀଦଳର ନେତା କରିବା ପାଇଁ ଏକ ପ୍ରସ୍ତାବ ପାରିତ ହୋଇଥିଲା।