କାନପୁର,୨୯।୧୧: ଭାରତୀୟ ଦଳର ମୁଖ୍ୟକୋଚ୍ ରାହୁଲ ଡ୍ରାଭିଡ୍ ଏବେ ବି ବଦଳି ନ ଥିବା ପ୍ରମାଣ କରି ଦେଇଛନ୍ତି। ନ୍ୟୁଜିଲାଣ୍ଡ ଓ ଭାରତ ମଧ୍ୟରେ ଖେଳାଯାଇଥିବା ପ୍ରଥମ ମ୍ୟାଚ୍ ପାଇଁ ସ୍ପୋର୍ଟିଂ ପିଚ୍ ପ୍ରସ୍ତୁତ କରିଥିବା ଗ୍ରୀନ ପାର୍କ ଗ୍ରାଉଣ୍ଡଷ୍ଟାଫଙ୍କୁ ୩୫ ହଜାର ଟଙ୍କା ଦେବା ନେଇ ଘୋଷଣା କରିଛନ୍ତି।
ଖରାପ ଆଲୋକ ଓ ଭାରତୀୟ ସ୍ପିନରଙ୍କ ସମ୍ମୁଖୀନ ହୋଇ ଟିମ୍ ଇଣ୍ଡିଆ ହାତରୁ ମ୍ୟାଚ୍ ଛଡ଼ାଇ ଆଣିଥିଲେ ଭାରତରେ ଜନ୍ମିତ ଏଜାଜ ପଟେଲ ଓ ରଚିନ ରବୀନ୍ଦ୍ର। ଦୁହେଁ ଶେଷ ପର୍ଯ୍ୟନ୍ତ ଖେଳି ମ୍ୟାଚ୍କୁ ଡ୍ର’ କରି ଦେଇଥିଲେ।
“ଆମେ ବିଧିବଦ୍ଧ ଭାବେ ଏକ ଘୋଷଣା କରୁଛୁ। ରାହୁଲ ଡ୍ରାଭିଡ୍ ବ୍ୟକ୍ତିଗତ ଭାବେ ଆମ ଗ୍ରାଉଣ୍ଡ୍ସମ୍ୟାନଙ୍କୁ ୩୫ ହଜାର ଟଙ୍କା ଦେଇଛନ୍ତି” ବୋଲି ପ୍ରଥମ ମ୍ୟାଚ୍ ପରେ ଉତ୍ତରପ୍ରଦେଶ କ୍ରିକେଟ ଆସୋସିଏଶନ (ୟୁପିସିଏ) ପକ୍ଷରୁ ଘୋଷଣା କରାଯାଇଛି।