ନୂଆଦିଲ୍ଳୀ,୨୩।୧୧: ବିଶ୍ୱକପ ପରେ ଟିମ ଇଣ୍ଡିଆ କୋଚ ରାହୁଲ ଦ୍ରାବିଡଙ୍କ କୋଚ ଭାବରେ କାର୍ଯ୍ୟକାଳ ଶେଷ ହୋଇଛି। ବର୍ତ୍ତମାନ ଭିଭିଏସ ଲକ୍ଷ୍ମଣ ତାଙ୍କ ସ୍ଥାନରେ ଟିମ ଇଣ୍ଡିଆ ପାଇଁ କୋଚିଂ ଦାୟିତ୍ୱ ଗ୍ରହଣ କରିପାରନ୍ତି। ରିପୋର୍ଟ ଅନୁଯାୟୀ, ରାହୁଲ ଦ୍ରାବିଡଙ୍କ ନିଜ କାର୍ଯ୍ୟକାଳ ବୃଦ୍ଧି କରିବାକୁ ମୁଡ୍ରେ ନାହିଁ। ବିସିସିଆଇ ଭିଭିଏସ ଲକ୍ଷ୍ମଣଙ୍କୁ ପରବର୍ତ୍ତୀ କୋଚ ଭାବରେ ବିଚାର କରୁଛି। ଅଷ୍ଟ୍ରେଲିଆ ବିପକ୍ଷ ଟି-୨୦ ସିରିଜ ପାଇଁ ଲକ୍ଷ୍ମଣଙ୍କୁ ଭାରତୀୟ ଦଳର କୋଚ ଭାବରେ ନିଯୁକ୍ତ କରାଯାଇଛି। ଦିନିକିଆ ବିଶ୍ୱକପ ପରେ ରାହୁଲ ଦ୍ରାବିଡଙ୍କ ଦୁଇ ବର୍ଷର ଚୁକ୍ତି ଶେଷ ହୋଇଛି।
ଦ୍ରାବିଡଙ୍କ କୋଚିଂ ଅଧୀନରେ ଭାରତ ଆଇସିସି ବିଶ୍ୱ ଟେଷ୍ଟ ଚାମ୍ପିଅନସିପ ଏବଂ ଦିନିକିଆ ତେବେ ଫାଇନାଲରେ ଭାରତକୁ ପରାଜୟର ସାମ୍ନା କରିବାକୁ ପଡିଥିଲା। ଏହା ବ୍ୟତୀତ ଭାରତୀୟ ଦଳ ମଧ୍ୟ ଗତ ବର୍ଷ ଟି-୨୦ ବିଶ୍ୱକପ୍ର ସେମିଫାଇନାଲରେ ପ୍ରବେଶ କରିବାରେ ସଫଳ ହୋଇଥିଲା। ଦ୍ରାବିଡଙ୍କ କୋଚିଂ ଅଧୀନରେ ଭାରତ ଏସିଆ କପ ଟାଇଟଲ ଜିତିବାରେ ସଫଳ ହୋଇଥିଲା।
