ଫ୍ଲୋରିଡା,୧୪।୮: ପରାଜୟ ସହ ଭାରତୀୟ ଦଳ ୱେଷ୍ଟଇଣ୍ଡିଜ ଗସ୍ତ ଶେଷ କରିଛି। ଦଳ ଟି-୨୦ ସିରିଜର ପଞ୍ଚମ ମ୍ୟାଚରେ ୮ ଉଇକେଟରେ ପରାଜୟର ସମ୍ମୁଖୀନ ହେବାକୁ ପଡିଥିଲା ଏବଂ ସିରିଜକୁ ୩-୨ରେ ମଧ୍ୟ ହରାଇଥିଲା।
ଟି -୨୦ ସିରିଜରେ ପରାଜୟ ପରେ କୋଚ ରାହୁଲ ଦ୍ରାବିଡ କହିଛନ୍ତି ଯେ, ଟେଷ୍ଟ ଏବଂ ଦିନିକିଆ ସିରିଜରେ ଆମେ ଭଲ ପ୍ରଦର୍ଶନ କରିଛୁ। ଟି-୨୦ରେ ମଧ୍ୟ ଆମେ ୨ଟି ମ୍ୟାଚ ହାରିଯିବା ପରେ ଏକ ଭଲ ପ୍ରତ୍ୟାବର୍ତ୍ତନ କରିବାରେ ସକ୍ଷମ ହୋଇଥିଲୁ, କିନ୍ତୁ ଆଶା କରାଯାଉଥିବା ପରି ସିରିଜ ଶେଷ କରିପାରିଲୁ ନାହିଁ। ପ୍ରଥମ ୨ ମ୍ୟାଚ ଏବଂ ପଞ୍ଚମ ମ୍ୟାଚ ରେ ଆମେ କିଛି ଭୁଲ କରିଥିଲୁ, ଯେଉଁଥିପାଇଁ ଆମକୁ ପରାଜୟର ସାମ୍ନା କରିବାକୁ ପଡିଲା। ଏହି ମ୍ୟାଚଗୁଡିକରେ ଆମେ ଉଭୟ ବ୍ୟାଟିଂ ଏବଂ ବୋଲିଂ ବିଭାଗରେ ଭଲ କରିପାରିଲୁ ନାହିଁ, କିନ୍ତୁ ଏହା ଏକ ଯୁବ ଦଳ ଯାହା କ୍ରମାଗତ ଉନ୍ନତି ପ୍ରଦର୍ଶନ କରୁଛି। ଆମେ ଏହି ସିରିଜର ଯୁବ ଖେଳାଳିଙ୍କୁ ସୁଯୋଗ ଦେବାକୁ ଚାହୁଁଥିଲୁ। ଆମେ ମଧ୍ୟ କିଛି ମିଶ୍ରଣ ଚେଷ୍ଟା କରିଥିଲୁ ଏବଂ ଆମ ପାଇଁ କିଛି ସକାରାତ୍ମକ ଜିନିଷ ଥିଲା। ଦଳରେ ଆମେ କିଛି ଜିନିଷରେ ଅଧିକ ପରିବର୍ତ୍ତନ କରିବାର ସୁଯୋଗ ପାଇଲୁ ନାହିଁ, କିନ୍ତୁ ଭବିଷ୍ୟତକୁ ଦୃଷ୍ଟିରେ ରଖି ଆମେ କିଛି କ୍ଷେତ୍ରରେ ଉନ୍ନତି ଆଣିବାକୁ ଚେଷ୍ଟା କରିବୁ। ଏଥିରେ ଆମକୁ ଟି -୨୦ରେ ଆମର ବ୍ୟାଟିଂରେ ଅଧିକ ଗଭୀରତା ଆଣିବାକୁ ପଡିବ। ଆମେ ଏହାକୁ କିପରି ଉନ୍ନତି କରିପାରିବା ଚେଷ୍ଟା କରିବାକୁ ପଡିବ କିନ୍ତୁ ବୋଲିଂ ଆକ୍ରମଣକୁ ଦୁର୍ବଳ ନ କରି ଦଳରେ ଉଭୟ ବିଭାଗର ସନ୍ତୁଳନ ଦେଖାଯିବ।