ଭାଜପା ଜାଲରେ ନ ଫସି, ଲୋକଙ୍କ ପ୍ରସଙ୍ଗକୁ ଫୋକସ କର, କଂଗ୍ରେସ ନେତାଙ୍କୁ ରାହୁଲଙ୍କ ଉପଦେଶ

ହାଇଦ୍ରାବାଦ,୧୭।୯: କଂଗ୍ରେସ ନେତା ରାହୁଲ ଗାନ୍ଧୀ ଶନିବାର ଦଳୀୟ ନେତାମାନଙ୍କୁ ଭାରତୀୟ ଜନତା ପାର୍ଟି (ଭାଜପା) ର ଜାଲରେ ନ ପଡ଼ିବା, ଲୋକଙ୍କ ସମସ୍ୟା ଉପରେ ଧ୍ୟାନ ଦେବା ଏବଂ ଆଦର୍ଶଗତ ଭାବରେ ସ୍ପଷ୍ଟ ରହିବାକୁ ପରାମର୍ଶ ଦେଇଛନ୍ତି। ହାଇଦ୍ରାବାଦରେ କଂଗ୍ରେସ ୱାର୍କିଂ କମିଟି (ସିଡବ୍ଲ୍ୟୁସି) ବୈଠକର ଦ୍ୱିତୀୟ ଦିନରେ ଏକ ଖବରଦାତା ସମ୍ମିଳନୀକୁ ସମ୍ବୋଧିତ କରି ଦଳ ଗଣମାଧ୍ୟମ ତଥା ପ୍ରଚାର ବିଭାଗ ମୁଖ୍ୟ ପୱନ ଖେରା କହିଛନ୍ତି ଯେ ରାହୁଲ ଗାନ୍ଧୀ ଶନିବାର ଦିନ ପୁନଃ ନିର୍ମାଣ ହୋଇଥିବା ସିଡବ୍ଲ୍ୟୁସିର ପ୍ରଥମ ବୈଠକରେ ନେତାମାନଙ୍କୁ ଜନତାଙ୍କ ପ୍ରସଙ୍ଗ ଉଠାଇବାକୁ ଓ ସେମାନଙ୍କୁ ଭେଟିବାକୁ କହିଥିଲେ।
ନ୍ୟୁଜ ଏଜେନ୍ସି ପିଟିଆଇର ରିପୋର୍ଟ ଅନୁଯାୟୀ ଖେରା କହିଛନ୍ତି, ସେ (ଗାନ୍ଧୀ) ଆଦର୍ଶଗତ ସ୍ବଚ୍ଛତାର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ ଏବଂ ଆମେ ସମସ୍ତେ ସ୍ପଷ୍ଟ ମନ ସହ ସିଡବ୍ଲ୍ୟୁସି ବୈଠକରୁ ବାହାରି ଆସିଛୁ। ସେ ଭାଜପାର ଜାଲରେ ନ ପଡ଼ିବା ପାଇଁ ଆମକୁ ଚେତାବନୀ ଦେଇଛନ୍ତି।