ନୂଆଦିଲ୍ଲୀ,୨୪ ।୧୨: କଂଗ୍ରେସ ନେତା ରାହୁଲ ଗାନ୍ଧୀ କୃଷି ଆଇନକୁ ନେଇ ପୁଣି ଥରେ କେନ୍ଦ୍ର ସରକାରଙ୍କୁ ଘେରିଛନ୍ତି । ଗୁରୁବାର ରାହୁଲ ରାଷ୍ଟ୍ରପତିଙ୍କୁ ସାକ୍ଷାତ୍ କରି କୃଷି ଆଇନ ଉପରେ କଥା ହୋଇଛନ୍ତି । ଏହାପରେ ଗଣମାଧ୍ୟମକୁ ରାହୁଲ କହିଛନ୍ତି ଯିଏ ବି ମୋଦି ସରକାରଙ୍କ ବିରୋଧରେ କହିବ, ସେ ତାଙ୍କୁ ଆତଙ୍କବାଦୀ ବୋଲି କହିବାକୁ ପଛାଇବେ ନାହିଁ । ରାହୁଲ ଆହୁରି ମଧ୍ୟ କହିଛନ୍ତି କାଲି ଯଦି ରାଷ୍ଟ୍ରୀୟ ସ୍ୱୟଂସେବକ ସଂଘ(ଆର୍ଏସ୍ଏସ୍) ମୁଖ୍ୟ ମୋହନ ଭାଗବତ ମୋଦିଙ୍କ ବିରୋଧରେ କୁହନ୍ତି ତେବେ ସେ ତାଙ୍କୁ ମଧ୍ୟ ଆତଙ୍କବାଦୀ ବୋଲି କହିବାକୁ ପଛାଇବେ ନାହିଁ । ଭାରତୀୟ ଜନତା ପାର୍ଟି(ଭାଜପା) ତଥା ମୋଦି ସରକାରଙ୍କର କେବଳ ଗୋଟିଏ ଲକ୍ଷ୍ୟ ସେମାନଙ୍କ ଧନୀ ବନ୍ଧୁଙ୍କୁ ଲାଭ ଦେବା । ଆଉ ଯଦି କେହି ମୋଦିଙ୍କ ବିରୋଧରେ କହୁଛି ତେବେ ମୋଦି ତାଙ୍କୁ କିଛି ନା କିଛି ଭୁଲ ଥିବା ଦର୍ଶାଉଛନ୍ତି । କୃଷକ ଆନ୍ଦୋଳନ କଲେ ତାଙ୍କୁ ମୋଦି ଆତଙ୍କବାଦୀ ବୋଲି କହୁଛନ୍ତିି, ଶ୍ରମିକଙ୍କୁ ମୋଦି ଆତଙ୍କବାଦୀ ବୋଲି କହୁଛନ୍ତି । ମୋଦି କେବଳ ୨-୩ ଜଣ ଲୋଙ୍କୁ ଦେଶକୁ ସମର୍ପିତ କରି ଦେଇଛନ୍ତି ବୋଲି ରାହୁଲ ଅଭିଯୋଗ କରିଛନ୍ତି ।
