ନୂଆଦିଲ୍ଲୀ,୨୩ ।୧୦: ରାହୁଲ ଗାନ୍ଧୀଙ୍କ ନେତୃତ୍ୱରେ କଂଗ୍ରେସର ‘ଭାରତ ଯୋଡୋ’ ଯାତ୍ରା ରବିବାର କର୍ନାଟକର ରାୟଚୁରରୁ ତେଲେଙ୍ଗାନାର ଗୁଡେବେଲ୍ଲୁର ପହଞ୍ଚିବ । ତେଲେଙ୍ଗାନାରେ ଏହି ପଦଯାତ୍ରା ମହବୁବନଗରର ଗୁଡେବେଲ୍ଲୁରରୁ ଆରମ୍ଭ ହେବ । କଂଗ୍ରେସର ତେଲେଙ୍ଗାନା ମୁଖ୍ୟ କର୍ନାଟକ-ତେଲେଙ୍ଗାନା ସୀମାରେ ଏହି ପଦଯାତ୍ରାକୁ ଭବ୍ୟ ସ୍ୱାଗତ କରିବାକୁ ସମସ୍ତ ପ୍ରସ୍ତୁତି କରିଛନ୍ତି ।
ଏହି ଯାତ୍ରାକୁ ନେଇ ସ୍ଥାନୀୟ କର୍ମୀଙ୍କ ମଧ୍ୟରେ ବି ବେଶ ଯୋସ ଦେଖିବାକୁ ମିଳିଛି । ଏମାନେ ରାହୁଲ ଗାନ୍ଧୀଙ୍କୁ ସ୍ୱାଗତ କରିବାକୁ ଉତ୍ସାହର ସହ ଅପେକ୍ଷା ରଖିଛନ୍ତି ।
ସୂଚନାଯୋଗ୍ୟ, ଗୁଡେବେଲ୍ଲୁରରେ ସକାଳ ଜଳଖିଆ ଖାଇ ଯାତ୍ରାରେ ସାମିଲ ସମସ୍ତ ଲୋକେ ଦୀପାବଳି ପାଇଁ ୨୬ ଅକ୍ଟୋବର ପର୍ଯ୍ୟନ୍ତ ବିଶ୍ରାମ ନେବେ । ଏହାପରେ ୨୭ ଅକ୍ଟୋବର ସକାଳୁ ଗୁଡେବେଲ୍ଲୁରରୁ ଏହି ଯାତ୍ରା ମକଟଲ ପହଞ୍ଚିବ । ଯାତ୍ରା ତେଲେଙ୍ଗାନାରେ ୧୬ ଦିନ ପର୍ଯ୍ୟନ୍ତ ଚାଲିବ । ଏହି ସମୟରେ ୧୯ ବିଧାନସଭା ଅଞ୍ଚଳ ଓ ୭ ସଂସଦୀୟ ଅଞ୍ଚଳରେ ୩୭୫ କିଲୋମିଟର ଦୂରତା ଅତିକ୍ରମ କରିବାର ଯୋଜନା ରହିଛି ।
