ନୂଆଦିଲ୍ଲୀ,୨୮।୩: କଂଗ୍ରେସ ସଭାପତି ମଲ୍ଲିକାର୍ଜୁନ ଖାର୍ଗେଙ୍କ ବାସଭବନରେ ୧୮ ବିପକ୍ଷ ଦଳର ଏକ ବୈଠକ ବସିଛି। ଏହି ବୈଠକରେ ତୃଣମୂଳ କଂଗ୍ରେସ ସମେତ ଅନ୍ୟ ଦଳ ଅଂଶଗ୍ରହଣ କରିଥିଲେ, କିନ୍ତୁ ଉଦ୍ଧବ ଠାକରେଙ୍କ ନେତୃତ୍ୱରେ ଶିବସେନା ଯୋଗ ଦେଇ ନ ଥିଲା। ଏହି ବୈଠକରେ ସୋନିଆ ଗାନ୍ଧୀ, ରାହୁଲ ଗାନ୍ଧୀଙ୍କ ସମେତ ଅନେକ ବରିଷ୍ଠ ନେତା ଉପସ୍ଥିତ ଥିଲେ।
ରାହୁଲ ଗାନ୍ଧୀଙ୍କ ସାଭରକରଙ୍କ ବିବୃତ୍ତିରେ ଅସନ୍ତୁଷ୍ଟ ପ୍ରକାଶ କରି ଉଦ୍ଧବଙ୍କ ଦଳ ବୈଠକଠାରୁ ଦୂରରେ ରହିଥିଲେ।
ଏହି ବୈଠକରେ ବିରୋଧୀ ଦଳ ମଙ୍ଗଳବାର ଉଭୟ ସଂସଦରେ ବିରୋଧୀଙ୍କ ରଣନୀତି ଉପରେ ଆଲୋକପାତ କରିଥିଲେ। ସୋମବାର ରାହୁଲ ଗାନ୍ଧୀଙ୍କ ସଂସଦର ସଦସ୍ୟତା ଏବଂ ଆଦାନୀ ମାମଲାକୁ ବାତିଲ କରିବା ନେଇ ଉଭୟ ସଂସଦରେ ହଙ୍ଗାମା ଦେଖାଦେଇଥିଲା। କଂଗ୍ରେସ ସମେତ ଅନେକ ବିରୋଧୀ ଦଳ ବିରୋଧ ପ୍ରଦର୍ଶନ କରି କଳା ପୋଷାକ ପିନ୍ଧି ସଂସଦକୁ ଯାଇଥିଲେ। ବୀର ସାଭରକରଙ୍କ ଉପରେ ରାହୁଲ ଗାନ୍ଧୀଙ୍କ ବକ୍ତବ୍ୟକୁ ନେଇ ଅନେକ ଉତ୍ତେଜନା ପ୍ରକାଶ ପାଇଥିଲା।
ଖାର୍ଗେଙ୍କ ଘରେ ବସିଥିବା ବୈଠକରେ ସୋନିଆ ଗାନ୍ଧୀ, ରାହୁଲ ଗାନ୍ଧୀ, ଶରଦ ପାୱାର, କେସି ଭେନୁଗୋପାଳଙ୍କ ପରି ବହୁ ବଡ ନେତା ଯୋଗ ଦେଇଥିଲେ। ଏହା ବ୍ୟତୀତ ସମାଜବାଦିି ପାର୍ଟିର ରାମଗୋପାଳ ଯାଦବ, ଡିଏମକେରୁ ଏମ ଭାଇକୋ, ଜେଡିୟୁର ରାଜୀବ ରଂଜନ, ବିଆରଏସ, ସିପିଆଇ, ଆଇଏମଏଲ, ଏମଡିଏମକେ, କେସି, ଆରଏସପି, ଆମ ଆଦମୀ ପାର୍ଟି, ଜମ୍ମୁ କଶ୍ମୀରର ବ୍ୟାଶନାଲ୍ କନଫରେନ୍ସ୍, ଜେଏମଏମ ଏବଂ ଏସ ନେତାମାନେ ଯୋଗ ଦେଇଥିଲେ। ଟିଏମସି ପକ୍ଷରୁ ଏହି ପ୍ରସଙ୍ଗରେ ପ୍ରସନ୍ନ ବାନାର୍ଜୀ ଏବଂ ସୌଗତ ରାୟ ଯୋଗ ଦେଇଥିଲେ।
