ଲଣ୍ଡନ,୨୧।୫: କଂଗ୍ରେସ ନେତା ରାହୁଲ ଗାନ୍ଧୀ ବର୍ତ୍ତମାନ ବ୍ରିଟେନରେ ଅଛନ୍ତି। ଶୁକ୍ରବାର ସେ ଲଣ୍ଡନର କେମ୍ବ୍ରିଜ ବିଶ୍ୱବିଦ୍ୟାଳୟରେ ‘ଆଇଡିଆ ଫର୍ ଇଣ୍ଡିଆ’ ସମ୍ମିଳନୀରେ ଭାଗ ନେଇଥିଲେ। ଏହି ଅବସରରେ ସେ ଭାଜପା ଉପରେ ବର୍ଷି କଡ଼ା ଟିପ୍ପଣୀ ରଖିଛନ୍ତି। ସେ କହିଛନ୍ତି, ଭାଜପା ଦେଶରେ କିରୋସିନ୍ ଛିଞ୍ଚିବା ଭଳି କାର୍ଯ୍ୟ କରୁଛି। କେବଳ ନିଆଁ ଲଗାଇବା ପାଇଁ ଗୋଟିଏ ଦିଆସିଲି ଆବଶ୍ୟକ। ଏଥିସହ ସେ କହିଛନ୍ତି, ଭାଜପା ସରକାରରେ ନିଯୁକ୍ତି ହ୍ରାସ ପାଇଛି। ଏହା ସତ୍ତ୍ୱେ ଭାଜପା ସକାରାତ୍ମକ ଶାସନ କ୍ଷମତାରେ ରହିଛି। ବର୍ତ୍ତମାନ ଭାରତର ଅବସ୍ଥା ଭଲ ନାହିଁ। ଅନ୍ୟପଟେ ରାହୁଲ କହିଛନ୍ତି, ଆମ ପାଖରେ ଏଭଳି ଏକ ଭାରତ ଅଛି, ଯେଉଁଠାରେ ଭିନ୍ନ ଭିନ୍ନ ମତ ପ୍ରକାଶ କରାଯାଇପାରେ ଏବଂ ଆମେ ଆଲୋଚନା କରିପାରିବା। କଂଗ୍ରେସ ପୂର୍ବ ଭଳି ଭାରତ ହାସଲ କରିବାକୁ ସଂଗ୍ରାମ କରୁଛି। ଯେଉଁଠାରେ ଭାଜପା ଆମ ସ୍ବରକୁ ଦମନ କରିବାକୁ ଚେଷ୍ଟା କରୁଛି ବୋଲି ରାହୁଲ କହିଛନ୍ତି। ସେହିପରି ଚାଇନା ସମ୍ବନ୍ଧରେ ମଧ୍ୟ ରାହୁଲ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି। ଅନ୍ୟପଟେ ଭାଜପା ନେତା ସତୀଶ ପୁନିଆ ରାହୁଲ ଗାନ୍ଧୀଙ୍କ ମନ୍ତବ୍ୟ ଉପରେ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି, ଦେଶରେ ନିଆଁ ଲଗାଇବା କାର୍ଯ୍ୟ ଅନେକ ଥର ରାହୁଲ କରିଥିବା ସମସ୍ତେ ଦେଖିଛନ୍ତି। ଅର୍ଥାତ୍ ନିଆଁ ଲଗାଇବା କାମ କଂଗ୍ରେସର ଭାଜପାର ନୁହେଁ ବେଲି ପୁନିଆ କହିଛନ୍ତି। ରାହୁଲ ଗାନ୍ଧୀ ଏକ ସୁବର୍ଣ୍ଣ ଚାମଚ ସହିତ ଜନ୍ମ ହୋଇଛନ୍ତି, ତେଣୁ ତାଙ୍କଠାରେ ପରିପକ୍ୱତା ନାହିଁ ବୋଲି ଭାଜପା ନେତା ପୁନିଆ କହିଛନ୍ତି।