ନୂଆଦିଲ୍ଲୀ,୪।୧୦: କଂଗ୍ରେସ ନେତା ରାହୁଲ ଗାନ୍ଧୀଙ୍କ ଘରେ ଜଣେ ନୂତନ ସଦସ୍ୟ ଏଣ୍ଟ୍ରି କରିଛି ବିଶ୍ୱ ପ୍ରାଣୀ ଦିବସ ଅବସରରେ ରାହୁଲ ଗାନ୍ଧୀ ମା’ ସୋନିଆ ଗାନ୍ଧୀଙ୍କୁ ଜ୍ୟାକ ରସେଲ ଟେରିଅର ପ୍ରଜାତିର ଏକ କୁକୁର ଉପହାର ଦେଇଛନ୍ତି। ଏହି କୁକୁରର ନାମ ନୁରି। ରାହୁଲ ଗାନ୍ଧୀ କୁକୁର ନୁରିର ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି। ଫଟୋ ରାହୁଲ ଗାନ୍ଧୀ ସୋନିଆ ଗାନ୍ଧୀଙ୍କୁ ନୁରି ଦେଉଥିବାର ନଜର ଆସିଛନ୍ତି। ରାହୁଲ ମା’ଙ୍କ ପାଇଁ ଗୋଆରୁ ନୁରିକୁ ଆଣିଛନ୍ତି। ସେ ତାଙ୍କ ୟୁଟ୍ୟୁବ ଚ୍ୟାନେଲରେ ଶେୟାର ହୋଇଥିବା ଏକ ଭିଡିଓରେ ତାଙ୍କର ଗୋଆ ଯାତ୍ରା ବିଷୟରେ କହିଛନ୍ତି।
ରାହୁଲ ଗାନ୍ଧୀଙ୍କ ଏହି ଗୋଆ ଯାତ୍ରା ଅଗଷ୍ଟ ମାସରେ ହୋଇଥିଲା। ଏହି କୁକୁର ଜ୍ୟାକ ରସେଲ ଟେରିୟରର ଏକ ପ୍ରଜାତି। ରାହୁଲ ଗାନ୍ଧୀ ଏହି କୁକୁରକୁ ଶାରଭାନୀ ପିିଟ୍ରେ ନାମକ ଜଣେ ମହିଳାଙ୍କଠାରୁ ଆଣିଥିଲେ। କୁହାଯାଏ ଯେ ଏହି ପ୍ରଜାତି ବ୍ରିଟେନର ଏକ ପ୍ରସିଦ୍ଧ ପ୍ରଜାତି। ଏହାର ଓଜନ ୪-୭ କିଲୋଗ୍ରାମ ଏବଂ ଉଚ୍ଚତା ପ୍ରାୟ ୨୫ ସେମି। ରାହୁଲ ଗାନ୍ଧୀ ଏକ ପୋଷା କୁକୁର କିଣିବାକୁ ସ୍ବତନ୍ତ୍ର ଭାବେ ଗୋଆ ଯାଇଥିଲେ। ରାହୁଲ ଗାନ୍ଧୀ କୁକୁରକୁ ବହୁତ ପସନ୍ଦ କରନ୍ତି।