ବିବାହକୁ ନେଇ କ’ଣ ଯୋଜନା ଅଛି? ରାହୁଲଙ୍କୁ ଏଭଳି ପଚାରିଲେ କଶ୍ମୀରୀ ଯୁବତୀ, ଉତ୍ତରରେ କଂଗ୍ରେସ ନେତା କହିଲେ…

ନୂଆଦିଲ୍ଲୀ,୨୬।୮: କଂଗ୍ରେସ ନେତା ରାହୁଲ ଗାନ୍ଧୀ ଶ୍ରୀନଗରରେ କଶ୍ମୀରୀ ଝିଅମାନଙ୍କ ସହ କଥାବାର୍ତ୍ତା ସମୟରେ କହିଛନ୍ତି, ତାଙ୍କର ବିବାହ କରିବାର କୌଣସି ଯୋଜନା ନାହିଁ, କିନ୍ତୁ ଯଦି ବିବାହ ହୁଏ ତେବେ ଠିକ ଅଛି। ରାହୁଲ ଗାନ୍ଧୀ ଏହା ମଧ୍ୟ କହିଛନ୍ତି ଯେ ଗତ ୨୦ରୁ ୩୦ବର୍ଷ ମଧ୍ୟରେ ସେ ବର୍ତ୍ତମାନ ବିବାହର ଚାପରୁ ବାହାରି ଆସିଛନ୍ତି। ଗତ ସପ୍ତାହରେ ଯେତେବେଳେ କଂଗ୍ରେସ ଏମ୍‌ପି ଜମ୍ମୁ-କଶ୍ମୀର ଗସ୍ତରେ ଯାଇଥିଲେ, ସେତେବେଳେ ସେ ଏହି ଝିଅମାନଙ୍କ ସାମ୍ନାରେ ବିଭିନ୍ନ ପ୍ରସଙ୍ଗରେ ନିଜର ମତ ରଖିଥିଲେ।

ସେ ସୋମବାର ନିଜ ୟୁଟ୍ୟୁବ ଚ୍ୟାନେଲରେ କଶ୍ମୀରୀ ଝିଅଙ୍କ ସହ ଏହି ବାର୍ତ୍ତାଳାପର ଭିଡିଓ ଅପଲୋଡ କରିଛନ୍ତି। ଏଥିରେ ଯେତେବେଳେ କଶ୍ମୀରର ଝିଅମାନେ ତାଙ୍କୁ ତାଙ୍କ ବିବାହ ଯୋଜନା ବିଷୟରେ ପଚାରିଥିଲେ, ସେତେବେଳେ କଂଗ୍ରେସ ନେତା କହିଛନ୍ତି ଯେ ମୁଁ ବିବାହ ଯୋଜନା କରୁନାହିଁ, କିନ୍ତୁ ଯଦି ଏହା ଘଟେ ତେବେ ତାହା ଠିକ ଅଛି। ସେ ଆହୁରି ମଧ୍ୟ କହିଛନ୍ତି ଯେ ସେ ୨୦-୩୦ ବର୍ଷ ହେବ ବିବାହର ଚାପରୁ ବାହାରି ଆସିଛନ୍ତି। ରାହୁଲ ସେହି ଝିଅମାନଙ୍କୁ ମଧ୍ୟ କହିଥିଲେ ଯେ ଯଦି ସେ ବିବାହ କରନ୍ତି ତେବେ ସେମାନଙ୍କୁ ନିମନ୍ତ୍ରଣ କରିବେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିଷୟରେ ପଚରାଯିବାରୁ ରାହୁଲ ଗାନ୍ଧୀ କହିଛନ୍ତି, ପ୍ରଧାନମନ୍ତ୍ରୀଙ୍କ ସହ ମୋର ସମସ୍ୟା ହେଉଛି ଯେ ସେ କାହା କଥା ଶୁଣନ୍ତି ନାହିଁ। ମୋର ଏମିତି ବ୍ୟକ୍ତିଙ୍କ ସହିତ ସମସ୍ୟା ଅଛି ଯିଏ ପ୍ରଥମରୁ କୁହନ୍ତି ସେ ଠିକ୍‌ ବୋଲି।