ନୂଆଦିଲ୍ଲୀ/ଲଣ୍ଡନ,୧ ।୩: କଂଗ୍ରେସ ନେତା ରାହୁଲ ଗାନ୍ଧୀଙ୍କ ନୂଆ ଲୁକ ସାମ୍ନାକୁ ଆସିଛି । ଏବେ ସେ ବ୍ରିଟେନ ଗସ୍ତରେ ଅଛନ୍ତି । ସେଠାରେ ସେ କେମ୍ବ୍ରିଜ ୟୁନିଭର୍ସିଟିରେ ଲେକ୍ଚର ଦେବେ । ଏହା ପୂର୍ବରୁ ତାଙ୍କ ନୂଆ ଲୁକର ଫଟୋ ସାମ୍ନାକୁ ଆସିଛି ।
ରାହୁଲ ଦାଢି-ନିଶ ଟ୍ରିମ କରି ନେଇଛନ୍ତି । ଏହାସହ ଫଟୋରେ ସେ ଟାଇ-କୋର୍ଟ ପିନ୍ଧିଥିବା ଦେଖାଯାଇଛି । ୭ ସେପ୍ଟେମ୍ବର ୨୦୨୨ରେ ଭାରତ ଯୋଡୋ ଯାତ୍ରା ଆରମ୍ଭ ହେବା ପରେ ରାହୁଲ କିଛି ରାଜ୍ୟରେ ଯାତ୍ରାରେ ବାହାରି ଥିଲେ । ଏହି ଯାତ୍ରା ସମୟରେ ରାହୁଲଙ୍କ ଦାଢି ବଢିଯିବା ସହ ତାଙ୍କୁ ଏକ ଭିନ୍ନ ରୂପରେ ଦେଖିବାକୁ ମିଳିଥିଲା । ରାହୁଲଙ୍କ ଦାଢି-ନିଶ ଲୁକକୁ ଦେଖି କେହି ତାଙ୍କୁ ସାଧୁ ସନ୍ଥ କହିଥିଲେ ତ ଆଉ କେହି ଆଉ କ’ଣ କହିଥିଲେ ।
ଏବେ ପୁଣିଥରେ ରାହୁଲ ନୂଆ ଲୁକରେ ଆସିଯାଇଛନ୍ତି । ରାହୁଲ ତାଙ୍କ ନିଶ-ଦାଢି ଟ୍ରିମ କରି ନେଇଛନ୍ତି । ତାଙ୍କର ଏହି ଲୁକ ସୋସିଆଲ ମିଡିଆରେ ଭାଇରାଲ ହୋଇଛି ।
