ଅବିଶ୍ୱାସ ପ୍ରସ୍ତାବ ଉପରେ ଆଜି ପାର୍ଲାମେଣ୍ଟରେ ହେବ ବିତର୍କ, ସରକାରଙ୍କୁ ଟାର୍ଗେଟ କରିବେ ରାହୁଲ

ନୂଆଦିଲ୍ଲୀ,୮।୮: ବିରୋଧୀଙ୍କ ଦ୍ୱାରା ସରକାରଙ୍କ ବିରୋଧରେ ଅବିଶ୍ୱାସ ପ୍ରସ୍ତାବ ମଙ୍ଗଳବାର ଲୋକ ସଭାରେ ଆଲୋଚନା ହେବ। ଆଜି ଅନୁଷ୍ଠିତ ହେବାକୁ ଥିବା ଏହି ଆଲୋଚନାର ବିଶେଷତ୍ୱ ହେଉଛି ୧୩୩ ଦିନ ଧରି ପୂର୍ବତନ ଏମପି ଥିବା ରାହୁଲ ଗାନ୍ଧୀ ତାଙ୍କ ଅଭିଭାଷଣରୁ ଏହି ବିତର୍କ ଆରମ୍ଭ କରିବେ।
ମୋଦି ଉପନାମ ସହ ଜଡିତ ଆପରାଧିକ ମାନହାନୀ ମାମଲାରେ ସଦସ୍ୟତା ହରାଇବା ପରେ ରାହୁଲ ପ୍ରଥମ ଥର ପାଇଁ ଲୋକସଭାରେ ଭାଷଣ ଦେବେ। ଚଳିତ ବର୍ଷ ଫେବୃୟାରୀରେ ତାଙ୍କୁ ସଦସ୍ୟତା ହରାଇବାକୁ ପଡିଲା ଯେତେବେଳେ ଗୁଜୁରାଟର ଏକ ଟ୍ରାଏଲ କୋର୍ଟ ତାଙ୍କୁ ମୋଦି ଉପନାମ ଅପରାଧ ମାନହାନୀ ମାମଲାରେ ସର୍ବାଧିକ ଦୁଇ ବର୍ଷ ଦଣ୍ଡିତ କରିଥିଲେ। ନିକଟରେ ତାଙ୍କୁ ସୁପ୍ରିମକୋର୍ଟରୁ ଆଶ୍ୱସ୍ତି ମିଳିଛି।