ଚେନ୍ନାଇ,୧ ।୩: କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଏବେ ତାମିଲନାଡୁ ଗସ୍ତରେ ଅଛନ୍ତି । ସୋମବାର ସେ କନ୍ୟାକୁମାରୀରେ ଏକ ରୋଡ ଶୋ’ରେ ଯୋଗ ଦେଇଥିଲେ । ସେଠାରେ ଯେ ଯୁବ ଛାତ୍ରୀଛାତ୍ରଙ୍କ ସହ କଥା ହୋଇଥିଲେ । କେବଳ ସେତିକି ନୁହେଁ ଏହି ସମୟରେ ସେ ପିଲାମାନଙ୍କୁ ଫିଟନେସ୍ ମନ୍ତ୍ର ବି ଦେଇଥିଲେ । ସେଠାରେ ଜଣେ ଛାତ୍ର ତାଙ୍କୁ ପୁସଅପ୍ ପାଇଁ କହିବାରୁ ଉକ୍ତ ଛାତ୍ରଙ୍କ ସହ ପୁସଅପ୍ ବି କରିଥିଲେ । ଏହାର ଏକ ଭିଡିଓ ଏବେ ସାମ୍ନାକୁ ଆସିଛି । ଏଥିରେ ରାହୁଲ ୯ ସେକେଣ୍ଡରେ ନନ୍ଷ୍ଟପ୍ ୧୩ ପୁସ୍ଅପ୍ କରିଛନ୍ତି । ଦଶମ ଶ୍ରେଣୀର ଜଣେ ଛାତ୍ରଙ୍କ ସହ ମଞ୍ଚ ଉପରେ ପୁସଅପ୍ କରି ଏବେ ଚର୍ଚ୍ଚାକୁ ଆସିଛନ୍ତି ରାହୁଲ । ସୂଚନାଯୋଗ୍ୟ, ନିକଟରେ କିଛିଦିନ ହେବ ରାହୁଲ ଲଗାତାର ଭାବେ ଦକ୍ଷିଣ ଭାରତ ଗସ୍ତରେ ଯାଉଛନ୍ତି । ପୁଡୁଚେରୀ, କେରଳ, ତାମିଲନାଡୁ ଆଦିରେ ରାହୁଲଙ୍କ ଭିନ୍ନ ଭିନ୍ନ ଅନ୍ଦାଜ ଦେଖିବାକୁ ମିଳୁଛି ।