ପ୍ରଧାନମନ୍ତ୍ରୀ ମୋଦିଙ୍କୁ ରାହୁଲ ଗାନ୍ଧୀଙ୍କ ଟାର୍ଗେଟ, ପଚାରିଲେ-ଯଦି ନିବେଶକଙ୍କ ଟଙ୍କା ହରାନ୍ତି ତେବେ କିଏ ଦାୟୀ ରହିବ?
10 ମୁମ୍ବାଇ,୧୧।୮: ଆମେରିକାର ଅନୁସନ୍ଧାନକାରୀ କମ୍ପାନୀ ହିଣ୍ଡେନବର୍ଗ ଏହାର ସବିଶେଷ ରିପୋର୍ଟରେ ଶେୟାର ବଜାର ନିୟନ୍ତ୍ରକ (SEBI) ର ଅଧ୍ୟକ୍ଷ ମାଧବୀ ପୁରୀ ବୁଚଙ୍କୁ ଆଦାନୀ ଗ୍ରୁପ୍ ସହିତ ମିଶି ବଡ ଦୁର୍ନୀତି କରିଥିବା ଅଭିଯୋଗ କରିଛନ୍ତି, ଯାହା ପରେ ଭାରତରେ ରାଜନୀତି ତୀବ୍ର ହୋଇଛି। ବିରୋଧୀ ଦଳର ନେତା ରାହୁଲ ଗାନ୍ଧୀ ଏକ୍ସ’ରେ ଏକ ଭିଡିଓ ବାର୍ତ୍ତା ଜାରି କରି SEBI ବିଷୟରେ ପ୍ରଶ୍ନ ପଚାରିଥିଲେ। ସେ କହିଛନ୍ତି, ଛୋଟ ଖୁଚୁରା ନିବେଶକଙ୍କ ସମ୍ପତ୍ତିର ସୁରକ୍ଷା ଦାୟିତ୍ୱରେ ଥିବା ସେବି ଏହାର ମୁଖ୍ୟଙ୍କ ବିରୋଧରେ ହୋଇଥିବା ଗୁରୁତର ଅଭିଯୋଗ ଉପରେ ଆପୋଷ ବୁଝାମଣା କରିଛନ୍ତି।
ରାହୁଲ ପ୍ରଶ୍ନ କରିଛନ୍ତି ଯଦି ନିବେଶକମାନେ ସେମାନଙ୍କର କଷ୍ଟ ଉପାର୍ଜିତ ଟଙ୍କା ହରାନ୍ତି, ତେବେ କିଏ ଦାୟୀ ରହିବ – ପ୍ରଧାନମନ୍ତ୍ରୀ ମୋଦି, ସେବି ଅଧ୍ୟକ୍ଷ କିମ୍ବା ଗୌତମ ଆଦାନୀ?
ଏହାସହିତ ସେ କହିଛନ୍ତି ଅତ୍ୟଧିକ ଗୁରୁତର ଅଭିଯୋଗ ସାମ୍ନାକୁ ଆସିବା ପରେ ସୁପ୍ରିମକୋର୍ଟ ପୁଣି ଥରେ ଏହି ଘଟଣାର ନିଜ ଆଡୁ ମାମଲା କରିବେ କି?
ରାହୁଲ ଗାନ୍ଧୀ କହିଛନ୍ତି ଯେ ବର୍ତ୍ତମାନ ମୋଦି ଜେପିସି ତଦନ୍ତକୁ କାହିଁକି ଡରୁଛନ୍ତି ଏବଂ ଏହା କଣ ପ୍ରକାଶ କରିପାରିବ ତାହା ସ୍ପଷ୍ଟ ହୋଇଛି।