ନୂଆଦିଲ୍ଲୀ,୨୩।୫: କଂଗ୍ରେସ ନେତା ରାହୁଲ ଗାନ୍ଧୀ ଦିଲ୍ଲୀରୁ ଏକ ଟ୍ରକ୍ରେ ଚଣ୍ଡିଗଡ଼ ଅଭିମୁଖେ ଯାତ୍ରା କରିବାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଏହି ସମୟରେ ଅମ୍ବାଲାରେ ପହଞ୍ଚିବା ପରେ ସେ ଟ୍ରକ ଡ୍ରାଇଭରମାନଙ୍କ ସହ ମଧ୍ୟ କଥା ହୋଇ ଡ୍ରାଇଭରମାନଙ୍କର ସମସ୍ୟା ବୁଝିଥିଲେ।
କର୍ନଟକରେ କଂଗ୍ରେସ ଦଳର ପୁନର୍ବାର ବିଜୟ ପରେ ରାହୁଲ ଗାନ୍ଧୀଙ୍କ ସମେତ ଅନେକ ନେତା ବହୁତ ଉତ୍ସାହିତ ଥିବା ଦେଖାଯାଉଛି। ପାର୍ଟି କହିଛି ଯେ ବର୍ତ୍ତମାନ ଏହା ଫୁଲ ସ୍ପିଡ୍ କାମ କରିବ। ଏହା ବର୍ତ୍ତମାନ ମଧ୍ୟ ଦୃଶ୍ୟମାନ ହେଉଛି। ଏହା ପୂର୍ବରୁ ରାହୁଲ ଗାନ୍ଧୀ ‘ଭାରତ ଯୋଡୋ ଯାତ୍ରା’ ରେ ଯାଇଥିଲେ। ଏହି ଯାତ୍ରା ୭ ସେପ୍ଟେମ୍ବରରେ କନ୍ୟାକୁମାରୀରୁ ଆରମ୍ଭ ହୋଇଥିଲା । ୧୩୬ ଦିନର ଏହି ଯାତ୍ରାରେ ରାହୁଲ ଗାନ୍ଧୀ ୪୦୦୦ କିଲୋମିଟରରୁ ଅଧିକ ଦୂରତା ଅତିକ୍ରମ କରିଥିଲେ।
