ନୂଆଦିଲ୍ଲୀ,୩୦।୮: ଏଥର ବି କଂଗ୍ରେସ ନେତା ରାହୁଲ ଗାନ୍ଧୀ ପୁଣିଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଛନ୍ତି। ରବିବାର ମୋଦିଙ୍କ ‘ମନ କି ମାତ୍’ କାର୍ଯ୍ୟକ୍ରମ ସରିବା ପରେ ରାହୁଲ କହିଛନ୍ତି ମୋଦି ଏବେ ଜେଇଇ-ନିଟ୍ ବଦଳରେ ଖେଳନାକୁ ନେଇ ଚର୍ଚ୍ଚା କରିଛନ୍ତି। ଏଥର ଜେଇଇ-ନିଟ୍ ପରୀକ୍ଷାର୍ଥୀ ‘ପରୀକ୍ଷାପେ ଚର୍ଚ୍ଚା’କୁ ଅପେକ୍ଷା ରଖିଥିବା ବେଳେ ମୋଦି କିନ୍ତୁ ‘ଖିଲୋନେ ପେ ଚର୍ଚ୍ଚା’ କରିବା ବଡ ଚିନ୍ତାର ବିଷୟ। ରାହୁଲ ଟୁଇଟ୍ କରି ଏହିଭଳି ଭାବେ ମୋଦିଙ୍କୁ ଟାର୍ଗେଟ କରିଛନ୍ତି। ସୂଚନାଯୋଗ୍ୟ, କରୋନା ମହାମାରୀ ପାଇଁ ଜେଇଇ-ନିଟ୍ ପରୀକ୍ଷା ବନ୍ଦ କରିବାକୁ ଦାବି କରାଯାଉଛି। ହେଲେ ଏହା ନିର୍ଦ୍ଧାରିତ ସମୟରେ ହେବ ବୋଲି ସରକାର ଘୋଷଣା କରିଛନ୍ତି।