ନୂଆଦିଲ୍ଲୀ,୨୭।୮: କଂଗ୍ରେସର ପୂର୍ବତନ ସଭାପତି ତଥା ଏମ୍ିପି ରାହୁଲ ଗାନ୍ଧୀ କିଛି ଦିନ ପୂର୍ବରୁ ତାମିଲନାଡୁର ନୀଳଗିରି ଗସ୍ତରେ ଯାଇଥିଲେ। ଏହି ସମୟରେ ସେ ଓଟିରେ ଥିବା ଏକ ଚକୋଲେଟ କାରଖାନା ପରିଦର୍ଶନ କରିଥିଲେ। ଏହି ବିଷୟରେ ସେ ଟୁଇଟ୍ରରେ ଏକ ଭିଡିଓ ଶେୟାର କରି ନିଜର ଅଭିଜ୍ଞତା ବାଣ୍ଟି ମୋଡିଜ୍ ଚକୋଲେଟର କାହାଣୀ କହିଥିଲେ।
ଭିଡିଓକୁ ଏକ୍ସ (ପୂର୍ବରୁ ଟୁଇଟର୍)ରେ ଶେୟାର କରି ସେ ଲେଖିଛନ୍ତି, ୭୦ଟି ଅବିଶ୍ୱାସନୀୟ ମହିଳାଙ୍କ ଏକ ଟିମ ଓଟିର ଏକ ପ୍ରସିଦ୍ଧ ଚକୋଲେଟ କାରଖାନା ଚଳାନ୍ତି! ମୋଡିଜ୍ ଚକୋଲେଟର କାହାଣୀ ହେଉଛି ଭାରତର ଏମଏସଏମଇର ମହାନ ସମ୍ଭାବନା ପାଇଁ ଏକ ଉଲ୍ଲେଖନୀୟ ପ୍ରମାଣ। ମୋର ସମ୍ପ୍ରତି ନୀଳଗିରି ଗସ୍ତ ସମୟରେ ମୁଁ ଯାହା ସାମ୍ନା କରିଥିଲି ତାହା ଏଠାରେ ଅଛି।
ରାହୁଲ ଗାନ୍ଧୀଙ୍କ ସହ ଶେୟାର କରାଯାଇଥିବା ଭିଡିଓରେ ସେ କାରଖାନାରେ କାର୍ଯ୍ୟ କରୁଥିବା ମହିଳାମାନଙ୍କ ସହ ନଜର ଆସିଛନ୍ତି ଏବଂ ଏହି କାରଖାନାର ଲୋକଙ୍କୁ ଏହା ଉପରେ କେତେ ଜିଏସଟି ଆଦାୟ କରାଯାଉଛି ବୋଲି ପଚାରିଛନ୍ତି। ଏହାର ଉତ୍ତର ୧୮ ପ୍ରତିଶତରେ ମିଳିଥାଏ। ରାହୁଲ ଗାନ୍ଧୀ କହିଛନ୍ତି ଯେ, ଏହା ସମଗ୍ର ଦେଶର ସମସ୍ୟା। ମୋ ଅନୁଯାୟୀ ଜିଏସଟି ଗୋଟିଏ ଟ୍ୟାକ୍ସ ହେବା ଉଚିତ। ଏହି ସମୟରେ ସେ ଏକ ଛୋଟ ଝିଅର ଅଟୋଗ୍ରାଫ ମଧ୍ୟ ନେଇଥିଲେ।
ରାହୁତ ତାଙ୍କ ଗସ୍ତରେ ଓଟି ନିକଟ ମୁଥୁ ନାଡୁ ଗାଁରେ ଟୋଡା ଆଦିବାସୀ ସମ୍ପ୍ରଦାୟର ଲୋକଙ୍କୁ ଭେଟିଥିଲେ। ରାହୁଲ ମଧ୍ୟ ଆଦିବାସୀମାନଙ୍କ ସହ ନାଚିଥିଲେ। ଏହି ସମୟରେ ସେ ଏହି ଚକୋଲେଟ କାରଖାନା ପରିଦର୍ଶନ କରିଥିଲେ।