ନୂଆଦିଲ୍ଲୀ,୧୯।୬: କଂଗ୍ରେସ ନେତା ରାହୁଲ ଗାନ୍ଧୀ ଆଜି ୫୪ ବର୍ଷରେ ପଦାର୍ପଣ କରିଛନ୍ତି। ରାଏବରେଲିର ଏମ୍ପି ରାହୁଲ ହେଉଛନ୍ତି ଦେଶର ‘ମୋଷ୍ଟ ଏଲିଜିବ୍ଲ୍ ବ୍ୟାଚ୍ଲର୍’। ତାଙ୍କ ସମର୍ଥକମାନେ ଉତ୍ସାହର ସହିତ ତାଙ୍କ ବିବାହକୁ ଅପେକ୍ଷା କରିଛନ୍ତି। ପ୍ରଶ୍ନ ହେଉଛି ରାହୁଲ ଗାନ୍ଧୀ କେଉଁ ପ୍ରକାର କନ୍ୟା ଚାହୁଁଛନ୍ତି? ଏକ ସାକ୍ଷାତକାରରେ ସେ ନିଜେ ଏହାର ଉତ୍ତର ଦେଇଥିଲେ।
ଏକ ସାକ୍ଷାତକାରରେ ରାହୁଲ ଗାନ୍ଧୀଙ୍କୁ ପଚରାଯାଇଥିଲା ଯେ ବିବାହ କରିବାର ଯୋଜନା କ’ଣ? ଏହା ଉପରେ ରାହୁଲ ଗାନ୍ଧୀ କହିଥିଲେ, ଯେତେବେଳେ ସେ ଜଣେ ଭଲ ଝିଅ ପାଇବେ, ସେତେବେଳେ ସେ ବିବାହ କରିବେ।
ରାହୁଲଙ୍କୁ ଆହୁରି ପଚରାଯାଇଥିଲା ଯେ, ସେ କେଉଁ ପ୍ରକାର ଝିଅକୁ ବିବାହ କରିବେ। ଏନେଇ ସେ କହିଥିଲେ, ସେ ଜଣେ ସ୍ନେହୀ ଯୁବତୀ ହୋଇଥିବା ଆବଶ୍ୟକ। କେବଳ ଏତିକି ନୁହେଁ, ବୁଦ୍ଧିମାନ ହେବା ମଧ୍ୟ ଦରକାର। ସେ ସାଥୀଙ୍କ ସହ ଜୀବନ ବିତାଇବାକୁ ଚାହୁଁଛନ୍ତି, ଯାହାର ଉଭୟ ମା’ ସୋନିଆ ଗାନ୍ଧୀ ଏବଂ ଜେଜେମା’ ଇନ୍ଦିରା ଗାନ୍ଧୀଙ୍କ ଗୁଣ ଥିବ। ଭାରତ ଯୋଡୋ ଯାତ୍ରା ସମୟରେ ରାହୁଲ ଗାନ୍ଧୀ ଏହି ସାକ୍ଷାତକାର ଦେଇଥିଲେ।
ରାହୁଲ ଗାନ୍ଧୀ ଚଳିତବର୍ଷ ଲୋକ ସଭା ନିର୍ବାଚନରେ ରାଏବରେଲି ଏବଂ ୱାୟନାଡରୁ ଜିତିଛନ୍ତି।
