ଲକ୍ଷ୍ନୌ,୩।୧: କଂଗ୍ରେସ ନେତା ରାହୁଲ ଗାନ୍ଧୀଙ୍କ ନେତୃତ୍ୱରେ ଜାରି ରହିଥିବା ଭାରତ କଂଗ୍ରେସ ଯୋଡୋ ଯାତ୍ରା ମଙ୍ଗଳବାର ଉତ୍ତରପ୍ରଦେଶ ଦେଇ ଅତିକ୍ରମ କରିଛି। ଏହାପରେ ରାଜନୈତିକ ଚର୍ଚ୍ଚା ଆରମ୍ଭ ହୋଇଛି। ଇତିମଧ୍ୟରେ ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ଏକ ଭିଡିଓ ସାମ୍ନାକୁ ଆସିଛି। ଯେଉଁଥିରେ ରାହୁଲ ପ୍ରିୟଙ୍କାଙ୍କୁ ମଞ୍ଚ ଉପରେ ଆଲିଙ୍ଗନ କରି ଗେଲ କରୁଥିବାର ଦେଖିବାକୁ ମିଳିଛି। ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ସୂଚନା ମୁତାବକ, କଂଗ୍ରେସର ଭାରତ ଯୋଡୋ ଯାତ୍ରା ସମୟରେ ମଙ୍ଗଳବାର ଏକ ଜନସଭା ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମରେ ରାହୁଲ ଓ ପ୍ରିୟଙ୍କା ସାମିଲ ହୋଇଥିଲେ। ମଞ୍ଚ ଉପରେ ରାହୁଲଙ୍କ ପାଖରେ ଭଉଣୀ ପ୍ରିୟଙ୍କା ବସିଥିଲେ। ଏହି ସମୟରେ ରାହୁଲ ପ୍ରିୟଙ୍କାଙ୍କୁ ଆଲିଙ୍ଗନ କରି ଗେଲ କରୁଥିବାର ଦେଖିବାକୁ ମିଳିଛି। ଭାଇର ଏହି ଭଲପାଇବାରେ ପ୍ରିୟଙ୍କା ମଧ୍ୟ ବେଶ୍ ଖୁସି ହୋଇଥିଲେ। କଂଗ୍ରେସ ନିଜ ଟୁଇଟରରେ ଏହି ଭିଡିଓକୁ ଏକ ଗୀତ ସହ ଶେୟାର କରିଛି। ଯାହା ଏବେ ଭାଇରାଲ ହେବାରେ ଲାଗିଛି। କିଛି ଦିନ ପୂର୍ବରୁ ରାହୁଲଙ୍କର ନିଜ ମା’ ସୋନିଆ ଗାନ୍ଧୀଙ୍କ ସହ ଏକ ଭିଡିଓ ସାମ୍ନାକୁ ଆସିଥିଲା। ଯେଉଁଥିରେ ସେ ମା’ଙ୍କୁ ଗେଲ କରୁଥିବାର ନଜର ଆସିଥିଲେ।
❤️❤️ pic.twitter.com/9MIQKMIdAQ
— Congress (@INCIndia) January 3, 2023
