ଲକ୍ଷ୍ନୌ,୨୪।୭: ଉତ୍ତରପ୍ରଦେଶର ରାଏବରେଲି ଲୋକ ସଭା ଆସନର ଏମ୍ପି ତଥା ଲୋକ ସଭାରେ ବିରୋଧୀ ଦଳର ନେତା ରାହୁଲ ଗାନ୍ଧୀ ଶୁକ୍ରବାର ସୁଲତାନପୁରର ଏମ୍ପି / ବିଧାୟକ କୋର୍ଟରେ ହାଜର ହେବେ। ଅମିତ ଶାହା ହେଟ୍ ସ୍ପିଚ୍ ମାମଲାରେ ଜୁଲାଇ ୨୬ରେ କୋର୍ଟ ପରବର୍ତ୍ତୀ ତାରିଖ ଦେଇଥିଲେ। ଗତ ଶୁଣାଣି ସମୟରେ ବିଚାରପତି କହିଥିଲେ ଯେ, ଯଦି ରାହୁଲ ଜୁଲାଇ ୨୬ରେ ଶାରୀରିକ ଭାବେ ହାଜର ନ ହୁଅନ୍ତି, ତେବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
ଜୁଲାଇ ୨ରେ କଂଗ୍ରେସ ନେତା ରାହୁଲ ଗାନ୍ଧୀ ମାନହାନୀ ମାମଲାରେ ସୁଲତାନପୁରର ଏମ୍ପି / ବିଧାୟକ କୋର୍ଟରେ ହାଜର ହେବାର ଥିଲା। ସଂସଦରେ ବ୍ୟସ୍ତ ଥିବା ଦର୍ଶାଇ ରାହୁଲଙ୍କ ଓକିଲ ନ ହେବାକୁ ନେଇ କ୍ଷମା ମାଗିଥିଲେ। ଏହା ପରେ କୋର୍ଟ ଏହାକୁ ଗ୍ରହଣ କରି ରାହୁଲ ଗାନ୍ଧୀଙ୍କୁ ଜୁଲାଇ ୨୬ରେ ହାଜର ହେବାକୁ ନିର୍ଦ୍ଦେଶ ଦେଇଥିଲେ।
ରାହୁଲ ଗାନ୍ଧୀଙ୍କ ଓକିଲ କାଶୀ ପ୍ରସାଦ ଶୁକ୍ଲା କହିଛନ୍ତି, ସୁଲତାନପୁରର ଏମ୍ପି / ବିଧାୟକ କୋର୍ଟ ସ୍ବରାଷ୍ଟ୍ରମନ୍ତ୍ରୀ ଅମିତ ଶାହାଙ୍କ ବିରୋଧରେ ଅଶ୍ଳୀଳ ମନ୍ତବ୍ୟ ଦେବା ମାମଲାର ଶୁଣାଣି କରୁଛନ୍ତି। କର୍ନାଟକରେ ଦିଆଯାଇଥିବା ବିବୃତ୍ତି ଏଠାରେ ଶୁଣାଣି ହେଉଥିବାରୁ ରାହୁଲ ଗାନ୍ଧୀଙ୍କୁ ତାଙ୍କ ବିବୃତ୍ତି ରେକର୍ଡ କରିବାକୁ କୋର୍ଟ ବ୍ୟକ୍ତିଗତ ଭାବେ ଡକାଇଛନ୍ତି।
ଗତ ସାଢେ ୫ ବର୍ଷ ପୂର୍ବେ କର୍ନାଟକ ବିଧାନସଭା ନିର୍ବାଚନ ସମୟରେ ଏକ ସାମ୍ବାଦିକ ସମ୍ମିଳନୀରେ ରାହୁଲ ଗାନ୍ଧୀ ତତ୍କାଳୀନ ଭାଜପା ରାଷ୍ଟ୍ରୀୟ ସଭାପତି ତଥା ବର୍ତ୍ତମାନର କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହାଙ୍କ ବିରୋଧରେ ଆପତ୍ତିଜନକ ବିବୃତ୍ତି ଦେଇଥିଲେ। ଏହି ବିବୃତ୍ତକୁ ନେଇ ଭାଜପା ତତ୍କାଳୀନ ସୁଲତାନପୁର ଜିଲା ଉପାଧ୍ୟକ୍ଷ ବିଜୟ ମିଶ୍ର ରାହୁଲ ଗାନ୍ଧୀଙ୍କ ବିରୋଧରେ ଅଭିଯୋଗ ଆଣିଥିଲେ।
ଯଦି ରାହୁଲ ଗାନ୍ଧୀଙ୍କ ବିରୋଧରେ ପର୍ଯ୍ୟାପ୍ତ ପ୍ରମାଣ ମିଳେ, ତେବେ ତାଙ୍କୁ ସର୍ବାଧିକ ଦୁଇ ବର୍ଷ ଦଣ୍ଡିତ କରାଯାଇପାରେ।