ନୂଆଦିଲ୍ଲୀ,୧୯।୧୨: କଂଗ୍ରେସର ଭାରତ ଯୋଡୋ ଯାତ୍ରା ଜାରି ରହିଛି। ଏହି ଯାତ୍ରା ସୋମବାର ଦୌସାର ଅଲୱାର ଜିଲାରେ ପହଞ୍ଚିଛି। ଅଲୱାରରେ ଅନୁଷ୍ଠିତ ଏକ ସାଧାରଣ ସଭାରେ କଂଗ୍ରେସ ନେତା ରାହୁଲ ଗାନ୍ଧୀ ଭାଜପାକୁ ସୋମବାର କଡ଼ା ସମାଲୋଚନା କରିଛନ୍ତି। ଭାଜପା ପଚାରୁଛି ଭାରତ ଯୋଡୋ ଯାତ୍ରାରେ ରାହୁଲ ଗାନ୍ଧୀ କଣ କରୁଛନ୍ତି? ଏହି ପ୍ରଶ୍ନର ଜବାବରେ ରାହୁଲ କହିଛନ୍ତି, ମୁଁ ଘୃଣାର ବଜାରରେ ପ୍ରେମର ବାର୍ତ୍ତା ଦେଉଛି। ଆମ ଦେଶ ପ୍ରେମର ଦେଶ, ଘୃଣାର ନୁହେଁ। ମୁଁ ଭାଜପାକୁ ଘୃଣା କରେ ନାହିଁ। ମୁଁ ତାଙ୍କ ବିଚାରଧାରା ବିରୋଧରେ ଲଢେଇ କରୁଛି। ଏଥିସହ ଭାଜପା ନେତାଙ୍କୁ ଏକ ବାର୍ତ୍ତା ଦେଇ ରାହୁଲ କହିଛନ୍ତି,ତୁମେ ମୋତେ ଘୃଣା କର, ଏହା ତୁମର ହୃଦୟର କଥା। ତୁମର ଦୋକାନ ଘୃଣାର ଏବଂ ମୋର ଦୋକାନ ପ୍ରେମର ଅଟେ। ଆପଣ ସମସ୍ତେ ଏହି ବଜାରରେ ପ୍ରେମର ଦୋକାନ ଖୋଲନ୍ତୁ। ମହାତ୍ମା ଗାନ୍ଧୀ, ସୁଭାଷ ଚନ୍ଦ୍ର ବୋଷ, ସର୍ଦ୍ଦାର ପଟେଲ, ଆମ୍ବେଦକର ସମସ୍ତେ ଘୃଣାର ବଜାରରେ ପ୍ରେମ ଦୋକାନ ଖୋଲିଥିଲେ। ତୁମକୁ ମଧ୍ୟ ଏହା କରିବାକୁ ପଡିବ କାରଣ ଆମ ଦେଶ ଘୃଣାର ନୁହେଁ ପ୍ରେମର ଦେଶ।