ନୂଆଦିଲ୍ଲୀ,୨୦।୮: କଂଗ୍ରେସ ଏମ୍ପି ରାହୁଲ ଗାନ୍ଧୀଙ୍କ ଲଦାଖ ଗସ୍ତକୁ ନେଇ ଭାରତୀୟ ଜନତା ଦଳର ବରିଷ୍ଠ ନେତା ରବି ଶଙ୍କର ପ୍ରସାଦ ରବିବାର ତାଙ୍କୁ ଟାର୍ଗେଟ୍ କରିଛନ୍ତି। ସେ କହିଛନ୍ତି, ରାହୁଲ ଯେଉଁଆଡେ ଯାଆନ୍ତି, ଭାରତକୁ ବଦନାମ କରିବା ତାଙ୍କ ଅଭ୍ୟାସ। ରାହୁଲ ଗାନ୍ଧୀ ବର୍ତ୍ତମାନ ଲଦାଖ ଗସ୍ତରେ ଅଛନ୍ତି। ସେଠାରେ ସେ କହିଛନ୍ତି ଯେ, ସ୍ଥାନୀୟ ଲୋକ କହୁଛନ୍ତି ଚାଇନା ସେନା ଆମ ଜମି ଦଖଲ କରିଛନ୍ତି କିନ୍ତୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହୁଛନ୍ତି ଯେ ଏଠାକୁ କେହି ଆସିନାହାଁନ୍ତି।
ରବି ଶଙ୍କର ପ୍ରସାଦ ରାହୁଲଙ୍କ ମନ୍ତବ୍ୟ ଉପରେ ଜବାବ ରଖି କହିଛନ୍ତି, ରାହୁଲ ଗାନ୍ଧୀ ଲଦାଖ ଯାଇଛନ୍ତି, ବହୁତ ବୁଲୁଛନ୍ତି, ମୋଟର ସାଇକେଲ ଚଳାଉଛନ୍ତି, କିନ୍ତୁ ତାଙ୍କ ପ୍ରକୃତି ହେଉଛି ଯେଉଁଆଡେ ଯାଆନ୍ତି, ଭାରତକୁ ବଦନାମ କରନ୍ତି। ସେ ହୋମୱାର୍କ କରନ୍ତି ନାହିଁ କିମ୍ବା କିଛି ଜାଣନ୍ତି ନାହିଁ। ରାହୁଲ ଗାନ୍ଧୀ ଫାଉଣ୍ଡେସନରୁ ଟଙ୍କା କେଉଁଠୁ ଆସିଲା। ତୁମେ ମା’ଙ୍କ ସହିତ ଚାଇନା ଯାଇଥିଲ, ମୁଁ କହିବା ଆରମ୍ଭ କରିବା ଉଚିତ ହେବ କି ବୋଲି ସେ ପ୍ରଶ୍ନ କରିଛନ୍ତି।
ରବି ଶଙ୍କର ପ୍ରସାଦ ଆହୁରି କହିଛନ୍ତି ଯେ, ରାହୁଲ ଆଜି ଲଦାଖ ବିଷୟରେ କହୁଛନ୍ତି, କିନ୍ତୁ ତାଙ୍କ ସରକାର ଲଦାଖରୁ ଅରୁଣାଚଳ ପର୍ଯ୍ୟନ୍ତ ରାସ୍ତା ନିର୍ମାଣ କରୁ ନ ଥିଲେ, କାରଣ ଚାଇନା ରାଗିଯିବାର ଭୟ ଥିଲା। ଆଜି ପ୍ରଧାନମନ୍ତ୍ରୀ ମୋଦି ସେହି ମାର୍ଗରେ ବଡ଼ ରାଜପଥ ନିର୍ମାଣ କରିଛନ୍ତି। ଲଦାଖରେ ଇନଫ୍ରା ଏବଂ ବିଦ୍ୟୁତ ପାଇଁ ସରକାର ପ୍ରତିଦିନ କାର୍ଯ୍ୟ କରୁଛନ୍ତି ଏବଂ ଆଜି କଶ୍ମୀରର ଲାଲ ଚୌକରେ ଲକ୍ଷ ଲକ୍ଷ ଲୋକ ପତାକା ଉତ୍ତୋଳନ କରିଛନ୍ତି।
