ହାଇଦ୍ରାବାଦ,୨୮।୧୧ : ମଙ୍ଗଳବାର ତେଲଙ୍ଗାନାରେ ନିର୍ବାଚନ ପ୍ରଚାରର ଶେଷ ଦିନ। ଏହି କାରଣରୁ ସମସ୍ତ ରାଜନୈତିକ ଦଳ ଆଜି ଏଠାରେ ନିର୍ବାଚନ ପ୍ରଚାର ଜୋରସୋର କରିଛନ୍ତି। କଂଗ୍ରେସ ନେତା ରାହୁଲ ଗାନ୍ଧୀ ତେଲଙ୍ଗାନାରେ ଅଛନ୍ତି ଏବଂ ବିଭିନ୍ନ ସ୍ଥାନରେ ଦଳ ପାଇଁ ପ୍ରଚାର କରୁଛନ୍ତି। ହାଇଦ୍ରାବାଦରେ ଏକ ସାଧାରଣ ସଭାରେ ସମ୍ବୋଧିତ କରି ରାହୁଲ ଭାଜପା ଏବଂ ବିଆରଏସକୁ ଏକ ପ୍ରକାର ଦଳ ବୋଲି କହିଛନ୍ତି। ସେ ଉଭୟ ଦଳକୁ ଟାର୍ଗେଟ କରିଛନ୍ତି।
ରାହୁଲ କହିଛନ୍ତି ବିଆରଏସ ମହାରାଷ୍ଟ୍ର, ଆସାମ, ରାଜସ୍ଥାନ, ମଧ୍ୟପ୍ରଦେଶ ଏବଂ ଛତିଶଗଡ, ଗୋଆରେ କଂଗ୍ରେସକୁ ଦୁର୍ବଳ କରିବା ଏବଂ ଭାଜପାକୁ ସମର୍ଥନ କରିବା ପାଇଁ କାର୍ଯ୍ୟ କରୁଛି। ଯଦି ଆମେ ଦିଲ୍ଲୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପରାସ୍ତ କରିବାକୁ ଚାହୁଁଛୁ, ତେବେ ପ୍ରଥମେ ତେଲଙ୍ଗାନାରେ ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ(କେସିଆର)ଙ୍କୁ ପରାସ୍ତ କରିବାକୁ ପଡିବ। ଏଠାରେ ବିଆରଏସ, ଭାଜପା ଏବଂ ଏଆଇଏମଆଇଏମ ଗୋଟିଏ ଦଳ ଭାବରେ ଏକାଠି କାମ କରୁଛନ୍ତି। ସବୁଠାରୁ ଦୁର୍ନୀତିଗ୍ରସ୍ତ ସରକାର ଚଳାଉଥିବା କେସିଆରଙ୍କ ବିରୋଧରେ ଗୋଟିଏ ବି ମାମଲା ନାହିଁ। ଇଡି, ସିବିଆଇ, ଆୟକର ବିଭାଗ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରୁନାହାନ୍ତି। କାରଣ ତାଙ୍କୁ ଭାଜପାର ସମର୍ଥନ ମିଳିଛି ବୋଲି ରାହୁଲ ଅଭିଯୋଗ କରିଛନ୍ତି। ଏବେ ରାହୁଲଙ୍କ ଏହି ଭିଡିଓ ଭାଇରାଲ ହେବାରେ ଲାଗିଛି।
#WATCH | Hyderabad (Telangana): Congress MP Rahul Gandhi says, "They are a single team…Here, BRS, BJP and AIMIM work together as a team…The Chief Minister (KCR) has no cases against him…He runs the most corrupt govt…ED, CBI, Income Tax department are not behind them…" pic.twitter.com/Q6wPNPH3AX
— ANI (@ANI) November 28, 2023
