ଗାଜିଆବାଦ୍, ୪।୧: କଂଗ୍ରେସ ନେତା ରାହୁଲ ଗାନ୍ଧୀ ଜଣେ ଯୋଦ୍ଧା। ଶାସକ ଦଳର ପରାକ୍ରମରେ ସେ ଭୟ କରୁ ନ ଥିବା ଦଳୀୟ ନେତ୍ରୀ ତଥା ଭଉଣୀ ପ୍ରିୟଙ୍କା ଗାନ୍ଧୀ ଭଦ୍ରା କହିଛନ୍ତି। ମଙ୍ଗଳବାର ଭାରତ ଯୋଡ଼ୋ ଯାତ୍ରା ଦିଲ୍ଳୀରୁ ଉତ୍ତର ପ୍ରଦେଶରେ ପହଞ୍ଚତ୍ଛି। ମଙ୍ଗଳବାର ରାହୁଲ ଓ ଦଳୀୟ କର୍ମକର୍ତ୍ତା ଲୋନି ବର୍ଡରରେ ପହଞ୍ଚିବାବେଳେ ପ୍ରିୟଙ୍କା ତାଙ୍କୁ ସ୍ବାଗତ କରିଥିଲେ। ଏହି ଅବସରରେ ସେ କହିଛନ୍ତି, ରାହୁଲଙ୍କ ପ୍ରତିଛବିକୁ ଖରାପ କରିବା ପାଇଁ ଭାଜପା କୋଟି କୋଟି ଟଙ୍କା ଖର୍ଚ୍ଚ କରୁଥିବାବେଳେ ସେ ସଫଳ ହୋଇପାରୁ ନାହିଁ। ଆଦାନୀ-ଅମ୍ବାନୀ ଏବଂ ବହୁ ମିଡିଆକୁ ବ୍ୟବହାର କରି ସୁଦ୍ଧା ଭାଜପା ରାହୁଲଙ୍କୁ କିଣିପାରୁ ନ ଥିବା ପ୍ରିୟଙ୍କା କହିଛନ୍ତି। ଅନ୍ୟପକ୍ଷେ ରାହୁଲ ସତ୍ୟ କବଚ ପିନ୍ଧିଥିବାରୁ ତାଙ୍କୁ ଥଣ୍ଡା ଅନୁଭୂତ ହେଉ ନ ଥିବା ସେ ପ୍ରକାଶ କରିଛନ୍ତି। ଦିଲ୍ଲୀରେ ତାପମାତ୍ରା ସର୍ବନିମ୍ନ ଥିବାବେଳେ ରାହୁଲ ଧଳା ଟି-ସର୍ଟ ପିନ୍ଧି ଭାରତ ଯୋଡ଼ୋ ଯାତ୍ରା କରୁଥିବା ନେଇ ପୂର୍ବରୁ ତାଙ୍କୁ ସମାଲୋଚିତ ହେବାକୁ ପଡ଼ିଥିଲା।
