ଶାରଜା,୪।୧୦: ଆଇପିଏଲ୍ ୨୦୨୧ର ଏକ ମ୍ୟାଚ୍ରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ୬ ରନ୍ରେ ପଞ୍ଜାବ କିଙ୍ଗ୍ସକୁ ହରାଇ ପ୍ଲେ ଅଫ୍ରେ ପ୍ରବେଶ କରିଛି। ମ୍ୟାଚ୍ ପରେ ଆରସିବି ଅଧିନାୟକ ବିରାଟ କୋହଲି କହିଛନ୍ତି ଯେ ଦୁଇଟି ମ୍ୟାଚ ବାକି ଥାଇ ପ୍ଲେ ଅଫରେ ପ୍ରବେ କରିବା ଖୁସିର କଥା। ଏବେ ଶୀର୍ଷ ଦୁଇଟିରେ ଶେଷ କରିବାକୁ ଲକ୍ଷ୍ୟ ରଖିଛନ୍ତି। ଅନ୍ୟପକ୍ଷରେ ପଞ୍ଜାବର ଅଧିନାୟକ କେ.ଏଲ ରାହୁଲ କହିଛନ୍ତି ଯେ, ଅରେଞ୍ଜ କ୍ୟାପ୍ ପିନ୍ଧିବା ପରିବର୍ତ୍ତେ ତାଙ୍କ ଦଳ ପ୍ଲେ ଅଫ୍ ପ୍ରବେଶ କରିଥିଲେ ସେ ଅଧିକ ଖୁସି ହୋଇଥାନ୍ତେ। ରାହୁଲ ଚଳିତ ଆଇପି,ଲ୍ରେ ଟପ୍ ସ୍କୋରର ହୋଇ ଏବେ ଅରେଞ୍ଜ କ୍ୟାନ୍ କବ୍ଜା କରିଛନ୍ତି।
ସୂଚନାଯୋଗ୍ୟ, ପଞ୍ଜାବର ଦଳ ୧୩ଟି ମଧ୍ୟରୁ ମାତ୍ର ୫ଟି ମ୍ୟାଚ ଜିତିବାରେ ସକ୍ଷମ ହୋଇଛି। ଦଳ ଏବେ ୧୦ ପଏଣ୍ଟ ସହ ୫ ନମ୍ବରରେ ଅଛି । କିନ୍ତୁ ଆରସିବି ବିପକ୍ଷରେ ପରାଜୟ ପରେ ଦଳ ପାଇଁ ପ୍ଲେ ଅଫ୍ ରାସ୍ତା କଷ୍ଟସାଧ୍ୟ ହୋଇପଡିଛି।