ନୂଆଦିଲ୍ଲୀ,୨୪।୫: ଦିଲ୍ଲୀର ୭ ଲୋକ ସଭା ଆସନରେ କଂଗ୍ରେସ ଓ ଆମ ଆଦମୀ ପାର୍ଟି ଏକାଠି ନିର୍ବାଚନ ଲଢୁଛି। ଆଉ ଏହି ସିଟ୍ରେ ମେ ୨୫ ଅର୍ଥାତ୍ ଶନିବାର ଭୋଟ୍ ପଡିବାକୁ ଯାଉଛି। ମତଦାନ ସମୟ ଆସି ଯାଇଥିଲେ ମଧ୍ୟ ଏବେ ଯାଏଁ ଏହି ଦୁଇ ପାର୍ଟିର ମୁଖ୍ୟ ରାହୁଲ ଗାନ୍ଧୀ ଓ ଅରବିନ୍ଦ କେଜରିଓ୍ବାଲଙ୍କ ଏକାଠି ଦେଖିବାକୁ ମିଳୁନାହିଁ। କିମ୍ବା ଗୋଟିଏ ମଞ୍ଚରେ ଦୁହେଁ ନଜର ମଧ୍ୟ ଆସୁ ନାହାନ୍ତି। ତେବେ ଏହାକୁ ନେଇ ବଡ଼ ବୟାନ ଦେଇଛନ୍ତି ଜଣେ କଂଗ୍ରେସ ନେତା।
#WATCH | Delhi: On Congress-AAP allaince, Delhi Congress President Devender Yadav says, “… Whenever Rahul Gandhi has come, our MLAs have shared the stage with him. Kejriwal has also campaigned for the three seats of Congress. After initial obstacles, the workers or AAP and… pic.twitter.com/bI8fxzA17U
— ANI (@ANI) May 24, 2024
ଦିଲ୍ଲୀ କଂଗ୍ରେସ ପ୍ରଭାରୀ ଦେବେନ୍ଦ୍ର ଯାଦବ କହିଛନ୍ତି, ଦୁହେଁ ଜାଣିଶୁଣି ଏକାଠି ଦେଖା ନ ଯିବାର କୌଣସି କାରଣ ନାହିଁ। କିନ୍ତୁ ଏପରି କୌଣସି ସଂଯୋଗ ଆଜି ଯାଏଁ ହୋଇପାରି ନାହିଁ। ଯେଉଁଠାରେ ଦୁହେଁ ଏକାଠି ପ୍ରଚାର କରିପାରିବେ। ସମୟ ନ ମିଳିବାରୁ ଦୁଇ ନେତା ଏକାଠି ଭେଟ ହୋଇପାରୁ ନାହାନ୍ତି। ଏଥିରେ ଫାଟ ହେବାର କୌଣସି ବିଷୟ ନାହିଁ। କିନ୍ତୁ ଯେତେବେଳେ ବି ରାହୁଲ ଆସନ୍ତି ଏଏପିର ବିଧାୟକଙ୍କୁ ତାଙ୍କ ସହ ଏକାଠି ବସୁଥିବାର ନଜିର ରହିଛି। ସେହିପରି କେଜରିଓ୍ବାଲ ମଧ୍ୟ ସ୍ବୟଂ କଂଗ୍ରେସର ୩-୩ଟି ସିଟ୍ରେ ପ୍ରଚାର କରିଛନ୍ତି।
