ରାହୁଲ-ସୋନିଆ-ୟେଚୁରୀ: ଶ୍ରୀରାମଙ୍କ ପାଖକୁ ଯିବେ କିଏ? ପ୍ରଭୁ ଯାହାଙ୍କୁ ଡାକିବେ ସେ ଆସିବେ କହିଲା ଭାଜପା…

ଅଯୋଧ୍ୟା,୨୬।୧୨ : ଶ୍ରୀରାମ ମନ୍ଦିରରେ ରାମ ଲାଲାଙ୍କର ପ୍ରାଣ ପ୍ରତିଷ୍ଠା ସମୟ ପାଖେଇ ଆସୁଥିବାରୁ ଶାସକ ଦଳ ଏବଂ ବିରୋଧୀ ଦଳ ମଧ୍ୟରେ ବାକ୍‌ ଯୁ୍‌ଦ୍ଧ ତୀବ୍ର ହେବାରେ ଲାଗିଛି। ଲୋକସଭା ନିର୍ବାଚନ ପୂର୍ବରୁ ରାମ ମନ୍ଦିର ପୁଣି ଏକ ରାଜନୈତିକ ପ୍ରସଙ୍ଗ ପାଲଟିଛି। ଜାନୁଆରୀ ୨୨ ରେ ହେବାକୁ ଥିବା ରାମ ମନ୍ଦିର କାର୍ଯ୍ୟକ୍ରମ ପାଇଁ ନିମନ୍ତ୍ରଣ ପତ୍ର ବଣ୍ଟନ କରାଯାଇଛି। ସୋନିଆ ଗାନ୍ଧୀଙ୍କ ଠାରୁ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କୁ ନିମନ୍ତ୍ରଣ ପଠାଯାଇଛି। କିନ୍ତୁ ବର୍ତ୍ତମାନ ବିରୋଧୀମାନେ ଏକ ଧାର୍ମିକ କାର୍ଯ୍ୟକ୍ରମର ରାଜନୀତିକରଣ ଉପରେ କେନ୍ଦ୍ର ସରକାରଙ୍କୁ ଘେରିିବାକୁ ଚେଷ୍ଟା କରୁଛନ୍ତି। ଯେହେତୁ ଚାରିମାସ ମଧ୍ୟରେ ଲୋକସଭା ନିର୍ବାଚନ ହେବାକୁ ଯାଉଛି, ତେଣୁ ଏହି ପ୍ରସଙ୍ଗ ଏକ ରାଜନୈତିକ ରୂପ ନେଉଛି।

ଏହି କାର୍ଯ୍ୟକ୍ରମରେ ଯୋଗଦେବା ନେଇ କଂଗ୍ରେସ ନେତା ସୋନିଆ ଗାନ୍ଧୀ ଏପର୍ଯ୍ୟନ୍ତ କୌଣସି ସରକାରୀ ଘୋଷଣା କରିନାହାନ୍ତି। ତେବେ ଦିଗ ବିଜିୟ ସିଂ ତାଙ୍କୁ ନିମନ୍ତ୍ରଣ ନ କରିବାକୁ ନେଇ ଏକ ପ୍ରସଙ୍ଗ କରିଛନ୍ତି। ସେପଟେ ରାମ ମନ୍ଦିରରେ ପ୍ରାଣ ପ୍ରତୀକ୍ଷା କାର୍ଯ୍ୟକ୍ରମରେ ଯୋଗ ନ ଦେବାକୁ ସିପିଏମ ଘୋଷଣା କରିଛି। ଧାର୍ମିକ ନେତାଙ୍କୁ ରାଜନୈତିକ ରଙ୍ଗ ଦେଇଥିବା ଅଭିଯୋଗ କରି ଏହି କାର୍ଯ୍ୟକ୍ରମରୁ ଦୂରେଇ ରହିବା ପାଇଁ ନେତା ବୃନ୍ଦା କରାତ କହିଛନ୍ତି। କରାତ କହିଛନ୍ତି, ନା, ଆମେ ସେଠାକୁ ଯିବୁ ନାହିଁ। ଆମେ ଧାର୍ମିକ ବିଶ୍ୱାସକୁ ସମ୍ମାନ କରୁ। କିନ୍ତୁ ସେମାନେ ଏହି ଧାର୍ମିକ ଘଟଣାକୁ ରାଜନୀତି ସହ ଯୋଡିଛନ୍ତି। ସିପିଆଇଏମ ନେତା ସୀତାରାମ ୟେଚୁରୀ ଏହି କାର୍ଯ୍ୟକ୍ରମରେ ଯୋଗଦେବାକୁ ମନା କରିଛନ୍ତି। ଅପରପକ୍ଷରେ ରାହୁଲ ଗାନ୍ଧୀ ଏନେଇ କୌଣସି ମନ୍ତବ୍ୟ ଦେଇ ନାହାନ୍ତି।

କପିଲ ସିବଲ ଏନେଇ ଭାଜପାକୁ କଡ଼ା ସମାଲୋଚନା କରିଛନ୍ତି। ସେ କହିଛନ୍ତି ଶ୍ରୀରାମଙ୍କ ଚରିତ୍ର କେବେ ଭାଜପା ଆପଣେଇ ପାରିବ ନାହିଁ।