ନୂଆଦିଲ୍ଲୀ, ୨୦।୪ : ଜାହାଙ୍ଗୀରପୁରୀରେ ବୁଲଡୋଜର ଚଳାଇବା ଏବଂ ଦେଶରେ କୋଇଲା ସଙ୍କଟ ନେଇ କଂଗ୍ରେସ ନେତା ରାହୁଲ ଗାନ୍ଧୀ ଟୁଇଟ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଘେରିଛନ୍ତି। ରାହୁଲ ଗାନ୍ଧୀ ତାଙ୍କ ଟୁଇଟରେ ଲେଖିଛନ୍ତି ଯେ ୮ ବର୍ଷର ବଡ ଆଲୋଚନାର ପରିଣାମ ସ୍ବରୂପ ଭାରତରେ ମାତ୍ର ୮ ଦିନର କୋଇଲା ଭଣ୍ଡାର ରହିଛି।
ଏବେ ଦେଶରେ ମୁଦ୍ରାସ୍ଫୀତି ଏବଂ ଦରଦାମ ବୃଦ୍ଧି ଉତ୍କଟ ହେବାରେ ଲାଗିଛି। ବିଦ୍ୟୁତ୍କାଟ ଯୋଗୁଁ ଛୋଟ ଶିଳ୍ପଗୁଡିକର କ୍ଷତି ହେବ। ଯାହା ଫଳରେ ବହୁ ଲୋକ ଚାକିରି ହରାଇବେ। ଘୃଣାର ବୁଲଡୋଜରକୁ ବନ୍ଦ କରି ପାୱାର ପ୍ଲାଣ୍ଟ ଉତ୍ପାଦନ କାର୍ଯ୍ୟ ଆରମ୍ଭ କରନ୍ତୁ ବୋଲି ରାହୁଲ ମୋଦିଙ୍କ ଉଦ୍ଦେଶ୍ୟରେ କହିଛନ୍ତି।
