ବାରାଣସୀ,୨୭।୫: ଲୋକ ସଭା ନିର୍ବାଚନ ୨୦୨୪ର ସପ୍ତମ ତଥା ଶେଷ ପର୍ଯ୍ୟାୟ ପାଇଁ ଭୋଟ ଜୁନ ୧ ରେ ଅନୁଷ୍ଠିତ ହେବ। ସମାନ ପର୍ଯ୍ୟାୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଲୋକ ସଭା ଆସନ ବାରାଣାସୀରେ ମଧ୍ୟ ମତଦାନ ଅନୁଷ୍ଠିତ ହେବ। ଏହାପୂର୍ବରୁ କଂଗ୍ରେସ ମଧ୍ୟ ଏହି ଆସନରେ ନିଜର ଶକ୍ତି ପ୍ରଦର୍ଶନ କରିବାକୁ ଯାଉଛି। ଏହି କ୍ରମରେ କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ଆସନ୍ତା କାଲି ମଙ୍ଗଳବାର (ମେ ୨୮) ରେ ତାଙ୍କ ସହଯୋଗୀ ତଥା ସମାଜବାଦୀ ପାର୍ଟି ସଭାପତି ଅଖିଳେଶ ଯାଦବଙ୍କ ସହ ଏକ ସାଧାରଣ ସଭା କରିବାକୁ ଯାଉଛନ୍ତି।
ବାରାଣାସୀ ଲୋକ ସଭା ଆସନରୁ କଂଗ୍ରେସ ପ୍ରାର୍ଥୀ ଅଜୟ ରାୟ କହିଛନ୍ତି ଯେ ମଙ୍ଗଳବାର ରାହୁଲ ଗାନ୍ଧୀଙ୍କ ଐତିହାସିକ ପରିବର୍ତ୍ତନ ସାଧାରଣ ସଭା ଅନୁଷ୍ଠିତ ହେବାକୁ ଯାଉଛି ଯେଉଁଥିରେ ରାହୁଲ ଗାନ୍ଧୀ ଏବଂ ଅଖିଳେଶ ଯାଦବ ମୋହନସାରାଇରେ ଅପରାହ୍ନ ୪ଟାରେ ରାଲି କରିବେ। ଯେଉଁଠି କୃଷକମାନଙ୍କ ଉପରେ ସରକାର ଲାଠି ଚାର୍ଜ କରିଥିଲେ ମୁଁ ଭାବୁଛି ସପ୍ତମ ପର୍ଯ୍ୟାୟରେ ପରିବର୍ତ୍ତନର ଲହରୀ ଏଠାରୁ ସମଗ୍ର ଦେଶ, ରାଜ୍ୟ ଏବଂ ବିଶେଷକରି ବନାରସରେ ବୃଦ୍ଧି ପାଇବ।
ରାହୁଲ ଗାନ୍ଧୀ ଏବଂ ଅଖିଳେଶ ଯାଦବଙ୍କ ଏହି ମିଳିତ ସାଧାରଣ ସଭା ଅପରାହ୍ନ ୪ଟାରେ ମୋହନ ସାରାଇରେ ଅନୁଷ୍ଠିତ ହେବ। ଏହାର ନାମ ପରିବତ୍ତର୍ର୍ନ ରାଲି ରଖାଯାଇଛି। ଲୋକ ସଭା ନିର୍ବାଚନ ପାଇଁ I.N.D.I.A ଗଠନ କରିବା ପରେ ରାହୁଲ ଏବଂ ଅଖିଳେଶଙ୍କୁ ଉତ୍ତରପ୍ରଦେଶରେ ନିର୍ବାଚନ ପ୍ରଚାର ସମୟରେ ଅନେକ ସମାବେଶରେ ଦେଖିବାକୁ ମିଳିଥିଲା। ଏହି ଲୋକମାନଙ୍କୁ ପ୍ରଥମ ଥର ପାଇଁ ଆଗ୍ରା ରେ ଦେଖିବାକୁ ମିଳିଥିଲା।
