ରାୟଗଡ଼,୨୫।୮: ମହାରାଷ୍ଟ୍ରର ରାୟଗଡ଼ରେ ସୋମବାର ଏକ ୫ମହଲା କୋଠା ଭୁଷୁଡି ପଡିଥିବା ବେଳେ ଏହି ଘଟଣାରେ ଏପର୍ଯ୍ୟନ୍ତ ୫ ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି। ଏମାନଙ୍କ ମଧ୍ୟରେ ୩ ପୁରୁଷ ଓ ୨ ମହିଳା ରହିଛନ୍ତି। କୋଠାଟି ଭୁଷୁଡି ପଡିବା ପରେ ଏନ୍ଡିଆର୍ଏଫ୍ ଟିମ୍ ତୁରନ୍ତ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟରେ ଲାଗି ପଡିଥିଲେ। ଦୀର୍ଘ ପ୍ରାୟ ୨୦ ଘଣ୍ଟା ପରେ ଭଙ୍ଗା କୋଠା ତଳୁ ଉଦ୍ଧାରକାରୀ ଦଳ ଜଣେ ୪ ବର୍ଷର ଶିଶୁଙ୍କୁ ଉଦ୍ଧାର କରିଥିବା ଜଣାପଡିଛି। ଏନ୍ଡିଆର୍ଏଫ୍ର ଡେପୁଟି କମାଣ୍ଡରଙ୍କ ସୂଚନା ଅନୁଯାୟୀ, ଉଦ୍ଧାର କାର୍ଯ୍ୟ ଚାଲିଥିବା ସମୟରେ ଶିଶୁଟି ଏକ କୋଣରେ ସିମେଣ୍ଟ ବାଲିରେ ଜୁଡୁବୁଡୁ ହୋଇ ବସି ରହିଥିଲା। ଏନ୍ଡିଆର୍ଏଫ୍ ଟିମ୍ର ୨ ଜଣ ସଦସ୍ୟ ଶିଶୁଟିକୁ ଦେଖି ଉଦ୍ଧାର କରିଥିଲେ। ସେତେବେଳକୁ ଶିଶୁଟି ସମ୍ପୂର୍ଣ୍ଣ ଡରି ଯାଇଥିଲା। ସେ ସୁସ୍ଥ ଅନୁଭବ କରୁଥିଲେ ବି ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଛି। ସୂଚନାଯୋଗ୍ୟ, ଏହି ଦୁର୍ଘଟଣାରେ ୧୭ ଜଣ ଆହତଙ୍କୁ ଉଦ୍ଧାର କରାଯାଇ ଚିକିତ୍ସା କରାଯାଉଛି।