ନୂଆଦିଲ୍ଲୀ,୫।୭: ପର୍ବ ସମୟରେ ସବୁଠାରୁ ବଡ ସମସ୍ୟା ହେଉଛି ଟ୍ରେନରେ ଟିକେଟ ପାଇବା। ଦୀର୍ଘ ପ୍ରତୀକ୍ଷା ବା ଓ୍ବେଟିଂ ପ୍ରକ୍ରିୟା ସପ୍ତାହ ପୂର୍ବରୁ ଆରମ୍ଭ ହୁଏ । କିନ୍ତୁ, ରେଳବାଇ ଏପରି ଯୋଜନା କରିଛି ଯେ ଆସନ୍ତା ଦୁଇ ବର୍ଷ ମଧ୍ୟରେ ଓ୍ବେଟିଂ ଟିକେଟର ଅସୁବିଧା ଦୂର ହେବ। ହୋଲି ହେଉ କିମ୍ବା ଦପାବଳୀ , ଆପଣ ପ୍ରତ୍ୟେକ ପର୍ବରେ ସଂରକ୍ଷଣ ବା ରିଜର୍ଭେସନ ଏବଂ ସିଟ ପାଇବେ। ନନ-ଏସି କୋଚରେ ଯାତ୍ରା କରୁଥିବା ଲୋକମାନଙ୍କ ପାଇଁ ଏହା ଉପକୃତ ହେବ, କାରଣ ଆଜି ବି ଅଧିକାଂଶ ଲୋକ କେବଳ ସ୍ଲିପର ଏବଂ ସାଧାରଣ କୋଚରେ ଯାତ୍ରା କରନ୍ତି । ଏହାକୁ ଦୃଷ୍ଟିରେ ରଖି ରେଳବାଇ ଏହି ଯୋଜନା ପ୍ରସ୍ତୁତ କରିଛି।
ସୂଚନାଯୋଗ୍ୟ, ଦେଶରେ ପ୍ରତିଦିନ ୨ କୋଟିରୁ ଅଧିକ ଲୋକ ଟ୍ରେନରେ ଯାତ୍ରା କରନ୍ତି, ଯାହା ଅଷ୍ଟ୍ରେଲିଆର ଜନସଂଖ୍ୟା ଅପେକ୍ଷା ଅଧିକ। ପର୍ବ ସମୟରେ ଏହି ଭିଡ଼ ଦ୍ୱିଗୁଣିତ ହୁଏ। ଆଜ୍ଞା ହଁ ଓ୍ବେଟିଂ ଲିଷ୍ଟ ଲମ୍ବା ହୁଏ। ସାଧାରଣ ଦିନରେ ମଧ୍ୟ ଟ୍ରେନରେ ଓ୍ବେଟିଂ ଲିଷ୍ଟ ରହିଥାଏ। ଏମିତି ପରିସ୍ଥିତିକୁ ଦେଖି ରେଲଓ୍ବେରେ ୨୦୨୬ ସୁଦ୍ଧା୧୦ ହଜାର ନନ-ଏସି କୋଚ ଅର୍ଥାତ୍ ସ୍ଲିପର କୋଚ କରିବାକୁ ନିଷ୍ପତ୍ତି ନେଇଛି। ଏହା ବ୍ୟତୀତ ଟ୍ରେନରେ ୫ହଜାର ସାଧାରଣ କୋଚ ମଧ୍ୟ ସ୍ଥାପନ କରାଯିବ। ଏହା ଯାତ୍ରୀମାନଙ୍କୁ ସୁବିଧା ଯୋଗାଇବ ଏବଂ ଓ୍ବେଟିଂ ଟିକେଟର ଅସୁବିଧା ଶେଷ ହେବ।