ଜୟପୁର, ୨୭ା୫(ପି.ଟି.): ରାଜସ୍ଥାନର ଟୋଙ୍କ ଜିଲାରେ ବର୍ଷା ବିତ୍ପାତରେ ୧୨ ଜଣଙ୍କ ମୃତ୍ୟୁ ଘଟିବା ସହ ଅନେକେ ଆହତ ହୋଇଛନ୍ତି। ଆହତମାନଙ୍କୁ ବିଭିନ୍ନ ହସ୍ପିଟାଲରେ ଭର୍ତ୍ତି କରାଯାଇଥିବା ଟୋଙ୍କ ଜିଲାପାଳ ଚିନ୍ମୟୀ ଗୋପାଳ କହିଛନ୍ତି। ଗୁରୁବାର ରାତିର ଜିଲାର ବିଭିନ୍ନ ସ୍ଥାନରେ ଭୀଷଣ ବର୍ଷା ସାଙ୍ଗକୁ ପ୍ରବଳ ବେଗରେ ପବନ ବହିଥିଲା। ଏଥିରେ କେତେକ ଘର ମଧ୍ୟ ଭାଙ୍ଗିଯାଇଛି। ବିଭିନ୍ନ ଅଞ୍ଚଳକୁ ବିଦ୍ୟୁତ୍ ବିଚ୍ଛିନ୍ନ ହୋଇଥିବାବେଳେ ଜଳଯୋଗାଣ ବାଧାପ୍ରାପ୍ତ ହୋଇଛି। ଫିଲ୍ଡ କର୍ମଚାରୀମାନେ ବର୍ଷାବିତ୍ପାତ ଜନିତ କ୍ଷୟକ୍ଷତିର ଆକଳନ କରୁଛନ୍ତି।