ପାକିସ୍ତାନକୁ ସେମି ଫାଇନାଲରେ ପହଞ୍ଚାଇପାରେ ବର୍ଷା, ବାବରଙ୍କ ପାଇଁ ବେଙ୍ଗାଲୁରୁରୁ ଖୁସି ଖବର…

ବେଙ୍ଗାଲୁରୁ,୬।୧୧ : ପାକିସ୍ତାନ ଦଳ ପାଇଁ ବିଶ୍ୱକପ ୨୦୨୩ର ସେମିଫାଇନାଲରେ ପ୍ରବେଶ କରିବା ଏପର୍ଯ୍ୟନ୍ତ ସହଜ ହୋଇ ନାହିଁ। ବାବର ଆଜାମଙ୍କ ନେତୃତ୍ୱରେ ଦଳ ଏପର୍ଯ୍ୟନ୍ତ ଖେଳାଯାଇଥିବା ୮ ଟି ମ୍ୟାଚ ମଧ୍ୟରୁ ୪ ଟି ଜିତିବାରେ ସକ୍ଷମ ହୋଇଛି। ପାକିସ୍ତାନ ଦଳ ୮ ପଏଣ୍ଟ ସହ ପଏଣ୍ଟ ଟେବୁଲରେ ପଞ୍ଚମ ସ୍ଥାନରେ ରହିଛି। ଅପରପକ୍ଷରେ ନ୍ୟୁଜିଲାଣ୍ଡରେ ୮ ଟି ମ୍ୟାଚରେ ୮ପଏଣ୍ଟ ହାସଲ କରିଛି। କିନ୍ତୁ ନେଟ ରନ ହାର ଯୋଗୁ କିୱି ଦଳ ପାକିସ୍ତାନଠାରୁ ଆଗରେ ଟେବୁଲରେ ଚତୁର୍ଥ ସ୍ଥାନରେ ରହିଛି। ନଭେମ୍ବର ୯ ରେ ବେଙ୍ଗାଲୁରୁରେ ଶ୍ରୀଲଙ୍କା ବିପକ୍ଷରେ ନ୍ୟୁଜିଲାଣ୍ଡକୁ ଶେଷ ମ୍ୟାଚ ଖେଳିବାକୁ ପଡ଼ିବ। ୧୧ ନଭେମ୍ବରରେ ପାକିସ୍ତାନ ଦଳ ଇଂଲଣ୍ଡ ସହିତ ମୁହାଁମୁହିଁ ହେବ। ଏହି ସମୟରେ ବେଙ୍ଗାଲୁରୁରୁ ପାକିସ୍ତାନ ପାଇଁ ଏକ ଖୁସି ଖବର ଆସିଛି।

ଆକ୍ୟୁ ପାଣିପାଗ ଅନୁଯାୟୀ, ନଭେମ୍ବର ୯ ରେ ବେଙ୍ଗାଲୁରୁରେ ୭୪ପ୍ରତିଶତ ବର୍ଷା ହେବାର ଆଶଙ୍କା ରହିଛି। ଏଭଳି ପରିସ୍ଥିତିରେ ଯଦି ମ୍ୟାଚ ବାତିଲ ହୁଏ ତେବେ ଶ୍ରୀଲଙ୍କା ଏବଂ ନ୍ୟୁଜିଲାଣ୍ଡ ଗୋଟିଏ ଲେଖାଏଁ ପଏଣ୍ଟ ପାଇବେ। ଏହାପୂର୍ବରୁ ବର୍ଷା ଯୋଗୁ ଏହୀ ଷ୍ଟାଡିୟମରେ ପାକିସ୍ତାନ ଏବଂ ନ୍ୟୁଜିଲାଣ୍ଡ ମଧ୍ୟରେ ମ୍ୟାଚ ଶେଷ ହୋଇପାରି ନ ଥିଲା। କିନ୍ତୁ ଉଭୟ ଇନିଂସରେ ୨୦ ଓଭର ଖେଳାଯାଇଥିଲା। ଏହି କାରଣରୁ, ଡକୱର୍ଥ-ଲୁଇସ ନିୟମ ବ୍ୟବହାର କରି ପାକିସ୍ତାନ ଦଳ ୨୧ ରନରେ ମ୍ୟାଚ ଜିତିବାରେ ସଫଳ ହୋଇଥିଲା। କିୱି ଦଳ ପାଇଁ ଏହା ଏକ ବଡ ଝଟକା ଥିଲା। କାରଣ ମ୍ୟାଚରେ ପ୍ରଥମେ ବ୍ୟାଟିଂ କରି ଦଳ ୪୦୧ ରନ ସ୍କୋର କରିଥିଲା।

ଯଦି ବର୍ଷା ଯୋଗୁ ନ୍ୟୁଜିଲାଣ୍ଡର ମ୍ୟାଚ ବାତିଲ ହୁଏ, ତେବେ ୯ଟି ମ୍ୟାଚରୁ ଦଳ ମାତ୍ର ୯ ପଏଣ୍ଟ ପାଇବ। ଏଭଳି ପରିସ୍ଥିତିରେ ଯଦି ପାକିସ୍ତାନ ଦଳ ଇଂଲଣ୍ଡକୁ ପରାସ୍ତ କରେ, ତେବେ ଏହା ୧୦ ପଏଣ୍ଟ ସହ କିୱି ଦଳଠାରୁ ଆଗରେ ରହିବ। ଆଫଗାନିସ୍ତାନ ମଧ୍ୟ ୭ ଟି ମ୍ୟାଚରେ ୮ ପଏଣ୍ଟ ପାଇଛି । କିନ୍ତୁ ତାଙ୍କର ଅବଶିଷ୍ଟ ୨ ଟି ମ୍ୟାଚ ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ବିପକ୍ଷରେ ଅଛି। ଏଭଳି ପରିସ୍ଥିତିରେ ଆଫଗାନିସ୍ତାନ ଦଳର ରାସ୍ତା ସହଜ ନୁହେଁ। ତଥାପି, ଯଦି ବିଶ୍ୱକପ ୨୦୨୩ ବିଷୟରେ କହିବା, ଆଫଗାନିସ୍ତାନ ଏପର୍ଯ୍ୟନ୍ତ ୩ ପୂର୍ବତନ ଚାମ୍ପିୟନ ଇଂଲଣ୍ଡ, ଶ୍ରୀଲଙ୍କା ଏବଂ ପାକିସ୍ତାନକୁ ପରାସ୍ତ କରିଛି ।

୨୦୧୧ ମସିହାରେ ହୋଇଥିବା ଏକଦିବସୀୟ ବିଶ୍ୱକପରେ ପାକିସ୍ତାନ ଦଳ ସେମିଫାଇନାଲରେ ପ୍ରବେଶ କରିଥିଲା। ୨୦୧୫ ଏବଂ ୨୦୧୯ରେ ପାକିସ୍ତାନର ପ୍ରଦର୍ଶନ କିଛି ବିଶେଷ ନ ଥିଲା। ଏଭଳି ପରିସ୍ଥିତିରେ ବାବର ଆଜମ ଏବଂ ତାଙ୍କ ଟିମ ଗତ ଦୁଇ ଥରର ଖରାପ ପ୍ରଦର୍ଶନ ଛାଡି ସେମିଫାଇନାଲରେ ପ୍ରବେଶ କରିବାକୁ ଚାହୁଁଛନ୍ତି।