ନୂଆଦିଲ୍ଲୀ, ୨୪ା୧୧ : ପୂର୍ବତନ ଭାରତୀୟ କ୍ରିକେଟର ସୁରେଶ ରାଇନା ଉତ୍ତରପ୍ରଦେଶ, ଜମ୍ମୁ ଓ ଏନ୍ସିଆର (ନ୍ୟାଶନାଲ କ୍ୟାପିଟାଲ ରିଜିଅନ) ଅନ୍ତର୍ଗତ ୩୪ଟି ସରକାରୀ ସ୍କୁଲ ହାତକୁ ନେଇଛନ୍ତି। ଏହି ସ୍କୁଲଗୁଡ଼ିକରେ ସେ ସ୍ବଚ୍ଛତା ଏବଂ ପାନୀୟ ଜଳଯୋଗାଣ ବ୍ୟବସ୍ଥା କରିବେ। ଚଳିତବର୍ଷ ଅଗଷ୍ଟ ୧୫ରେ ରାଇନା ଅନ୍ତର୍ଜାତୀୟ କ୍ରିକେଟରୁ ତାଙ୍କର ଅବସର ଘୋଷଣା କରିଥିଲେ। ନଭେମ୍ବର ୨୭ରେ ତାଙ୍କ ୩୪ତମ ଜନ୍ମଦିବସ ଅବସରରେ ସେ ଜନହିତକର କାର୍ଯ୍ୟ ହାତକୁ ନେବା ଲାଗି ସ୍ଥିର କରିଛନ୍ତି। ରାଇନା ତାଙ୍କ ଝିଅ ନାମରେ ଗ୍ରାସିଆ ରାଇନା ଫାଉଣ୍ଡେଶନ (ଜିଆର୍ଏଫ୍) ନାମକ ଏକ ଏନଜିଓ କରିଛନ୍ତି। ରାଇନା ହାତକୁ ନେଇଥିବା ୨୩୪ଟି ସ୍କୁଲରେ ୧୦,୦୦୦ରୁ ଊଦ୍ଧ୍ୱର୍ର୍ ପିଲା ପାଠ ପଢନ୍ତି। ପ୍ରଥମେ ପିଲାମାନଙ୍କ ସ୍ବାସ୍ଥ୍ୟ ଏବଂ ପରିଷ୍କାର ପରିଚ୍ଛନତା ପ୍ରତି ଧ୍ୟାନ ଦିଆଯିବ ବୋଲି ସେ କହିଛନ୍ତି। ରାଇନା ଓ ତାଙ୍କ ସ୍ତ୍ରୀ ତଥା ଫାଉଣ୍ଡେଶନର ସହ ପ୍ରତିଷ୍ଠାତା ପ୍ରିୟଙ୍କା ଜନ୍ମ ସପ୍ତାହ ପାଳନ କରିବେ। ଏହି ଅବସରରେ ଗାଜିଆବାଦସ୍ଥିତ ନୁର ନଗର ସିହାନି, ସରକାରୀ କମ୍ପୋଜିଟ୍ ମିଡଲ ସ୍କୁଲରେ ରହିଥିବା ପାନୀୟ ଜଳ ଯୋଗାଣ ବ୍ୟବସ୍ଥାରେ ଅଧୁନିକୀକରଣ କାର୍ଯ୍ୟର ଶୁଭାରମ୍ଭ ହେବ। ବାଳିକା ଓ ବାକଳମାନଙ୍କ ଲାଗି ପୃଥକ ଟଏଲେଟ, ହ୍ୟାଣ୍ଡ୍ ଓ୍ବାଶ୍, ଡିଶ ଓ୍ବାଶିଂ ଏବଂ ସ୍ମାର୍ଟ କ୍ଲାସ୍ରୁମ୍ କରାଯିବ।