ରାଇରଙ୍ଗପୁର,୩।୧୦( ମାନସ ମହାନ୍ତି ) ମୟୂରଭଞ୍ଜ ଜିଲା ରାଇରଙ୍ଗପୁର ବନଖଣ୍ଡ ଅଧିକାରୀ ଡି. ଏଫ. ଓ ନଳିନୀ କାନ୍ତ ବେହେରା (୪୬)ଙ୍କ ଦେହାନ୍ତ ହୋଇଛି। ସୋମବାର ବିଳମ୍ବିତ ରାତି ୧.୩୦ ସମୟରେ ଭୁବନେଶ୍ୱରସ୍ଥିତ ଏକ ଘରୋଇ ହସ୍ପିଟାଲରେ ଚିକିତ୍ସାଧିନ ଅବସ୍ଥାରେ ତାଙ୍କ ମୃତ୍ୟୁ ହୋଇଥିବା ଜଣାଯାଇଛି । ସ୍ବର୍ଗତ ନଳିନୀକାନ୍ତ ଗତ ୨୦୨୧ ଜୁଲାଇ ୧୫ରେ ରାଇରଙ୍ଗପୁର ବନଖଣ୍ଡ ଅଧିକାରୀ ଭାବେ ଯୋଗ ଦେଇଥିଲେ। ସ୍ବର୍ଗତ ବେହେରାଙ୍କର ଜନ୍ମସ୍ଥାନ ଜଗତସିଂହପୁର ଜିଲା କୁଜଙ୍ଗ। ଗତ ୨୦୧୫ ରେ ଡି.ଏଫ.ଓ ଭାବେ ପଦୋନ୍ନତି ପାଇ ସୁନ୍ଦରଗଡ଼, କେନ୍ଦୁଝର ଏବଂ ମୟୂରଭଞ୍ଜ ଜିଲାରେ ବନଖଣ୍ଡ ଅଧିକାରୀ ଭାବେ କାର୍ଯ୍ୟ କରିଥିଲେ।