ମୁମ୍ବାଇ: ବିଶିଷ୍ଟ ଶିଳ୍ପପତି ତଥା ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ସ୍ବାମୀ ରାଜ କୁନ୍ଦ୍ରାଙ୍କ କେସ୍ରେ ଗହନା ବଶିଷ୍ଠଙ୍କ ନାମ ଆସିଛି। ଗହନାଙ୍କ ଉପରେ ମଧ୍ୟ ଆଡଲ୍ଟ ଫିଲ୍ମ ଶୁଟିଂ ଏବଂ ଗ୍ୟାଙ୍ଗ୍ ରେପ୍ ପରି ଅଭିଯୋଗ ଆସିଛି। ସେ କିଛିମାସ ତଳେ ଜେଲ୍ ମଧ୍ୟ ଯାଇଥିଲେ। ପରେ ବେଲ୍ରେ ଆସିଥିଲେ।
ଏକ ସାକ୍ଷାତକାରରେ ଗହନା କହିଛନ୍ତି, ଏହା କୌଣସି ଅଶ୍ଳୀଳ ଫିଲ୍ମ ନ ଥିଲା। ଏହା ବୋଲ୍ଡ ଏବଂ ଏରୋଟିକ୍ ଫିଲ୍ମ ଥିଲା। ଯାହାକି ପର୍ନ କାଟାଗୋରୀରେ ଆସୁନାହିଁ। ଏହାକୁ ଭୁଲ୍ ଢଙ୍ଗରେ କୁହାଯାଉଛି। ମୁଁ ଏହି ଲୋକମାନଙ୍କୁ କହିବାକୁ ଚାହୁଁଛି, ଯେତେବେଳ ପର୍ଯ୍ୟନ୍ତ ଆପଣ ଫିଲ୍ମ ଦେଖି ନାହାନ୍ତି, ତାକୁ ପର୍ନ କେମିତି କହୁଛନ୍ତି। ମୋତେ ଲାଗୁଛି ଲୋକଙ୍କୁ ପର୍ନ ଏବଂ ଆଡଲ୍ଟ ଫିଲ୍ମ ବିଷୟରେ କୌଣସି ଧାରଣା ନାହିଁ। ପ୍ରଥମେ ଲୋକଙ୍କୁ ଦେଖାନ୍ତୁ, ପରେ ନିର୍ଣ୍ଣୟ କରନ୍ତୁ।
ସେ କହିଛନ୍ତି, ମୁଁ ରାଜ୍ଙ୍କ ସହ ୩ଟି ଫିଲ୍ମ କରିଛି। ମୁଁ ତାଙ୍କ ଫିଲ୍ମରେ ଭଲ ଅଭିନେତ୍ରୀ ଭାବେ କାମ କରିଛି। ମୋ’ ଉପରେ ରାଜ୍ କେବେ ଚାପ ପକାଇନାହାନ୍ତି। ମୁଁ ବହୁତ ପ୍ରଫେଶନାଲ ଭାବେ କାମ କରିଛି। ତାଙ୍କ ସହିତ ଯେତିକି ଫିଲ୍ମରେ କାମ କରିଛି ତାହାକୁ ପର୍ନ କହିବା ସମ୍ପୂର୍ଣ୍ଣ ଭୁଲ୍।
ଯେହେତୁ ମୁଁ ତାଙ୍କ ସହ କାମ କରିଛି, ସେ ମୋ’ ଉପରେ ସେମିତି କୌଣସି ଚାପ ପକାଇନାହାନ୍ତି, ମୁଁ କେମିତି ମାନି ନେବି ଯେ; ରାଜ୍ ଯୁବତୀମାନଙ୍କୁ ଏହି କାମରେ ଚାପ ପକାଉଥିବେ ବୋଲି। ରାଜ୍ଙ୍କ ସହ ଯାହା ବି ହୋଇଛି ଭୁଲ ହୋଇଛି।