ଆଜିକାଲି ଶିଳ୍ପା ଶେଟ୍ଟୀଙ୍କ ସ୍ବାମୀ ରାଜ କୁନ୍ଦ୍ରା ଚର୍ଚ୍ଚାରେ ଅଛନ୍ତି। ନିକଟରେ ରାଜ ତାଙ୍କର ଡେବ୍ୟୁ ଫିଲ୍ମ ୟୁଟି୬୯ ଘୋଷଣା କରିଛନ୍ତି। ରାଜ ଏହି ଚଳଚ୍ଚିତ୍ର ସହିତ ଅଭିନୟ ଜଗତରେ ପ୍ରବେଶ କରିବାକୁ ଯାଉଛନ୍ତି। ଫିଲ୍ମର ପ୍ରମୋଶନ ମଧ୍ୟରେ ରାଜ ଏକ ପୋଷ୍ଟ ଶେୟାର କରିଛନ୍ତି, ଯାହା ପ୍ରଶଂସକଙ୍କୁ ଚକିତ କରିଛି। ସୋସିଆଲ ମିଡିଆରେ ରାଜ ତାଙ୍କର ଅଲଗା ହେବା ଘୋଷଣା କରିଛନ୍ତି। ଯଦିଓ ସେ ଏହି ପୋଷ୍ଟରେ କାହା ବିଷୟରେ ଉଲ୍ଲେଖ କରିନାହାଁନ୍ତି। ଯାହା ପରେ ପ୍ରଶଂସକମାନେ ଚିନ୍ତିତ ହୋଇଯାଇଛନ୍ତି। ସେମାନେ ଅନୁଭବ କରୁଛନ୍ତି ଯେ ଶିଳ୍ପା ଏବଂ ରାଜ ଅଲଗା ହୋଇଯାଇଛନ୍ତି।
ନଭେମ୍ବର ୨୦୦୯ରେ ଶିଳ୍ପା ଶେଟ୍ଟୀ ଏବଂ ରାଜ କୁନ୍ଦ୍ରା ବିବାହ କରିଥିଲେ। ସେମାନେ ବିବାହର ୧୪ ବର୍ଷ ପୂରଣ କରିବାକୁ ଯାଉଛନ୍ତି। ପ୍ରତ୍ୟେକ କଠିନ ସମୟରେ ଉଭୟ ପରସ୍ପରକୁ ସମର୍ଥନ କରୁଥିବା ଦେଖାଯାଏ। ବର୍ତ୍ତମାନ ଏହି ପୋଷ୍ଟ ଦେଖିବା ପରେ ପ୍ରଶଂସକମାନେ ଟେନସନ ହୋଇଯାଇଛନ୍ତି। କିଛି ଲୋକ ଏହାକୁ ପ୍ରମୋସନାଲ ବୋଲି କହୁଛନ୍ତି।
ରାଜ କୁନ୍ଦ୍ରା ତାଙ୍କ ଇନଷ୍ଟାଗ୍ରାମ ଷ୍ଟାଟସରେ ତାଙ୍କ ପୋଷ୍ଟ ସ୍କ୍ରିନସଟ ଶେୟାର କରିଛନ୍ତି। ଯେଉଁଥିରେ ରାଜ ଲେଖିଛନ୍ତି – ଆମେ ଅଲଗା ହୋଇଯାଇଛୁ। ଏହି କଠିନ ପରିସ୍ଥିତିରେ ଆମକୁ ସମୟ ଦେବାକୁ ଅନୁରୋଧ କରୁଛୁ। ଏହା ସହିତ ସେ ଫୋଲଡ ହାତ ଏବଂ ହୃଦୟ ଇମୋଜି ପୋଷ୍ଟ କରିଥିଲେ। ତବେ ଶିଳ୍ପା ସୋସିଆଲ ମିଡିଆରେ ଏପର୍ଯ୍ୟନ୍ତ ସେପରି କିଛି ଶେୟାର କରିନାହାଁନ୍ତି।
ରାଜ କୁନ୍ଦ୍ରାଙ୍କ ଫିଲ୍ମ ୟୁଟି୬୯ ଆର୍ଥର ରୋଡ ଜେଲରେ ବିତାଇଥିବା ଦିନର କାହାଣୀ ଦର୍ଶାଏ। ଜୁଲାଇ ୨୦୨୧ରେ ଅଶ୍ଳୀଳ ମାମଲାରେ ରାଜଙ୍କୁ ଗିରଫ କରାଯାଇଥିଲା। ସେ ଦୁଇ ମାସ ଜେଲରେ ରହିଥିଲେ।