ହାତୀଙ୍କ ପାଇଁ ଜିମ୍ ବ୍ୟବସ୍ଥା। ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ। ଆପଣ ଭାବୁଥିବେ ବିଦେଶରେ ଏହି ବ୍ୟବସ୍ଥା ଉପଲବ୍ଧ ଥିବ। କିନ୍ତୁ ଏହା ଭୁଲ୍। ଭାରତରେ ହିଁ ହାତୀ ପାଇଁ ଜିମ୍ ବ୍ୟବସ୍ଥା କରାଯାଇଛି। ଉତ୍ତରାଖଣ୍ଡର ରାଜାଜି ଟାଇଗର୍ ରିଜର୍ଭରେ ହାତୀଙ୍କ ପାଇଁ ଜିମ୍ ରହିଛି। ଏବେ ଜିମ୍ରେ ୬ଟି ହାତୀ ଅଛନ୍ତି। ଏଠାରେ ହାତୀଙ୍କ ସ୍ବାସ୍ଥ୍ୟ ପରୀକ୍ଷା କରାଯିବ ସହ ସେମାନଙ୍କ ଖାଦ୍ୟପେୟର ବ୍ୟବସ୍ଥା ମଧ୍ୟ କରାଯାଇଛି। କିନ୍ତୁ ଜଙ୍ଗଲ ଭଳି ପରିବେଶ ଏଠାରେ ନାହିଁ। ତଥାପି ହାତୀଙ୍କୁ୍ ସ୍ବାଭାବିକ କାର୍ଯ୍ୟ କରିବାକୁ ଦିଆଯାଉଛି। ଏହାଦ୍ୱାରା ସେମାନେ ମାନସିକ ଅବସ୍ଥା ଭଲ ରହିବା ସହ ସେମାନେ ସୁସ୍ଥ ରହିବେ। ରାଜାଜି ଟାଇଗର୍ ରିଜର୍ଭରେ ଏକ ବ୍ରିଗେଡିୟର ହାତୀ ଅଛି। ୨୦୧୭-୧୮ରେ ହରିଦ୍ୱାର ନିକଟରେ ଏହି ହାତୀଟି ଉତ୍ପାତ କରି ଦୁଇ ଜଣଙ୍କ ଜୀବନ ନେଇଥିଲା। ହାତୀକୁ ଟ୍ରାଙ୍କୁଲାଇଜ୍ କରାଯାଇ ଏଠାକୁ ଅଣାଯାଇଥିଲା। ଜିମ୍ରେ ରଙ୍ଗୋଲି ନାମକ ହାତୀ ସହ ତାର ଭଲ ବନ୍ଧୁତା ରହିଛି। ଏବେ ହାତୀଟି ଶାନ୍ତ ମଧ୍ୟ ରହୁଛି।