ନୂଆଦିଲ୍ଲୀ,୧୪ ।୧୦: ପଞ୍ଜାବ କଂଗ୍ରେସରେ ଉତ୍ଥାନ ପତନ ପରେ ଏବେ ରାଜସ୍ଥାନ ସରକାରଙ୍କୁ ନେଇ ଚାଲିଛି ଆଲୋଚନା । ଅକ୍ଟୋବର ୧୬ରେ କଂଗ୍ରେସ କାର୍ଯ୍ୟକାରିଣୀ(ସିଡବ୍ଲୁସି) ବୈଠକ ଥିବା ବେଳେ ସେଥିରେ ମୁଖ୍ୟମନ୍ତ୍ରୀ ଅଶୋକ ଗେହଲଟ ଯୋଗ ଦେବେ ବୋଲି ଜଣାପଡିଛି । ଗେହଲଟଙ୍କ ଦିଲ୍ଲୀ ଗସ୍ତକୁ ନେଇ ଏବେ ଆଲୋଚନା ଯୋର ଧରିଛି । କାରଣ ଗେହଲଟ ସିଡବ୍ଲୁସିର ସଦସ୍ୟ ନୁହେଁ । ମୁଖ୍ୟମନ୍ତ୍ରୀ ଭାବେ ସେ ଏହି ବୈଠକରେ ଯୋଗଦେଉଛନ୍ତି । ତେଣୁ ଅନୁମାନ କରାଯାଉଛି କି ସିଡବ୍ଲୁସି ସଦସ୍ୟଙ୍କ ଉପସ୍ଥିତିରେ ହୁଏତ ରାଜସ୍ଥାନ କଂଗ୍ରେସରେ ପରିବର୍ତ୍ତନ କରାଯାଇପାରେ । ଆହୁରି ମଧ୍ୟ ଅନୁମାନ କରାଯାଉଛି ରାଜସ୍ଥାନ ମନ୍ତ୍ରିମଣ୍ଡଳ ସଂପ୍ରସାରଣକୁ ନେଇ ଚାଲିଥିବା ଟଣା ଓଟରାକୁ ନେଇ ବି ଆଲୋଚନା ହୋଇପାରେ । ଯାହାବି ହେଉ ଏବେ ରାଜସ୍ଥାନ ରାଜନୀତିକୁ ନେଇ ରାଜନୀତିରେ ଉଷ୍ମତା ଦେଖାଦେଇଥିବା ବେଳେ ଦୀପାବଳି ଭିତରେ କିଛିବି ଘଟିପାରେ ବୋଲି ଅନୁମାନ କରାଯାଉଛି ।
