ଜୟପୁର,୨୭।୧: ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟଙ୍କ ସ୍ବାସ୍ଥ୍ୟାବସ୍ଥା ବିଗିଡିଯାଇଛି। ଗତ କିଛି ଦିନ ଧରି ସେ ଅସୁସ୍ଥ ଅଛନ୍ତି । ମୁଖ୍ୟମନ୍ତ୍ରୀ ଅସୁସ୍ଥତା ସତ୍ତ୍ୱେ ଗୁରୁବାର ଗଣତନ୍ତ୍ର ଦିବସ ଅବସରରେ ସେ ଜୟପୁରର ଏସ୍ଏମ୍ଏସ୍ ଷ୍ଟାଡିୟମରେ ଆୟୋଜିତ ରାଜ୍ୟ ସ୍ତରୀୟ କାର୍ଯ୍ୟକ୍ରମରେ ପହଞ୍ଚି ରାଷ୍ଟ୍ରୀୟ ପର୍ବ ପାଳନ କରିଥିଲେ। ତେବେ ଅସୁସ୍ଥତା ହେତୁ ଶୁକ୍ରବାର ସେ ପଞ୍ଜାବର ଜଲନ୍ଦର ଏବଂ ଅଜମେର ଗସ୍ତକୁ ବାତିଲ କରିଛନ୍ତି। ବର୍ତ୍ତମାନ ସେ ଘରେ ଚିକିତ୍ସିତ ହେଉଛନ୍ତି।
ମୁଖ୍ୟମନ୍ତ୍ରୀ ଅଶୋକ ଗେହଲୋଟ ଶୁକ୍ରବାର ଅଜମେର ଏବଂ ଜଳନ୍ଦର ଗସ୍ତ କରିବାର କାର୍ଯ୍ୟକ୍ରମ ଥିଲା। ମଧ୍ୟାହ୍ନ ୧୨ଟାରେ ସ୍ବର୍ଗତ ଜଳନ୍ଦର ଏମ୍ପି ସାନ୍ତୋଖ ସିଂ ଚୌଧୁରୀ ଅନ୍ତିମ ଅରଦାସ କାର୍ଯ୍ୟକ୍ରମରେ ଯୋଗ ଦେଇଥାନ୍ତେ। ଏହାପରେ ଅପରାହ୍ନ ୩ଟାରେ ଅଜମେରରେ ଯିବାର ଏକ କାର୍ଯ୍ୟକ୍ରମ ଥିଲା ।
