ଜୟପୁର,୧୫।୫: କଂଗ୍ରେସ ନେତା ସଚିନ ପାଇଲଟ ରାଜସ୍ଥାନରେ ଜନ ସଂଘର୍ଷ ଯାତ୍ରା ଆରମ୍ଭ କରିଛନ୍ତି। ସୋମବାର ଏହି ଯାତ୍ରାର ପଞ୍ଚମ ତଥା ଶେଷ ଦିନ ଥିଲା। ଏହି ସମୟରେ ପାଇଲଯ କହିଛନ୍ତି, ମୋର କାର୍ଯ୍ୟ କରିବାର ପଦ୍ଧତି ଏବଂ ନିଷ୍ଠା ଉପରେ ବିରୋଧୀମାନେ ଅଙ୍ଗୁଳି ଉଠାଇପାରିବେ ନାହିଁ। ମୁଁ କୌଣସି ପଦବୀରେ ରୁହେ କି ନ ରୁହେ କିନ୍ତୁ ମୁଁ ମୋର ଶେଷ ନିଶ୍ୱାସ ପର୍ଯ୍ୟନ୍ତ ରାଜସ୍ଥାନର ଲୋକମାନଙ୍କୁ ସେବା ଜାରି ରଖିବି।
ସେ କହିଛନ୍ତି, ଏହି ମାସ ଶେଷରେ ଯଦି ଏହି ତିନୋଟି ଦାବି ଗ୍ରହଣ ନ ହୁଏ ତେବେ ଯୁବପୀଢିଙ୍କ ପାଇଁ ମୁଁ ସମଗ୍ର ରାଜ୍ୟରେ ଦୁର୍ନୀତି ବିରୋଧରେ ଆନ୍ଦୋଳନ କରିବି। ଆମେ ଗାଁର ସବୁଆଡେ ଜନସାଧାରଣଙ୍କ ସହ ବୁଲିବୁ। ମୁଁ କେବେ କାହାକୁ ଦୋଷ ଦେଇ ନାହିଁ, କାହା ବିରୋଧରେ ଖରାପ ଶବ୍ଦ କହିନାହିଁ। ତୁମେ ମୋତେ ଦୁର୍ବ୍ୟବହାର କର, ମୋତେ ଦୋଷ ଦିଅ, ମୁଁ ତାହା ପାଇଁ ଚିନ୍ତିତ ନୁହେଁ। ଲୋକମାନେ ହେଉଛନ୍ତି ଜନାର୍ଦ୍ଦନ।
ପାଇଲଟ କହିଛନ୍ତି, ମୁଁ ଜନସାଧାରଣଙ୍କ ସମର୍ଥନ ପାଇଛି। ମୁଁ ଏକ ପ୍ରତିଶ୍ରୁତି ଦେବାକୁ ଚାହୁଁଛି ଯେ ମୁଁ ଦୀର୍ଘ ଦିନ ଧରି ରାଜନୀତି କରିଆସୁଛି। ଏହି ଯାତ୍ରାରେ ଅନେକ ସାଥୀ ମୋ ସାଙ୍ଗରେ ଯାଇଥିଲେ ଏବଂ ମୁଁ କହିବାକୁ ଚାହେଁ ଯେ ମୋର ଶେଷ ନିଶ୍ୱାସ ପର୍ଯ୍ୟନ୍ତ ମୁଁ ରାଜ୍ୟବାସୀଙ୍କ ସେବା ଜାରି ରଖିବି। ରାଜନୀତି କେବଳ ପଦ ପାଇଁ ନୁହେଁ,ଯାହା କିଛି ବଳିଦାନ ଦେବାକୁ ପଡିବ ମୁଁ ଦେବି।
ପେପର୍ ଲିକ ପୀଡିତଙ୍କୁ କ୍ଷତିପୂରଣ, ଆରପିଏସ ବିଲୋପ, ଚୟନ ପ୍ରକ୍ରିୟାକୁ ପୁନଃ ସ୍ଥିର ଏବଂ ବସୁନ୍ଦରା ସରକାରଙ୍କ ବିରୋଧରେ ଆସିଥିବା ଅଭିଯୋଗର ତଦନ୍ତ ହେବା ନେଇ ପାଇଲଟ ଦାବି କରିଛନ୍ତି।