ଆଇପିଏଲର ୧୪ ତମ ସିଜିନ ସ୍ଥଗିତ ଥିବାରୁ କ୍ରିକେଟରମାନେ ନିଜ ନିଜ ଘରକୁ ଫେରୁଛନ୍ତି। ଅଧିକାଂଶ କ୍ରିକେଟର୍ ସେମାନଙ୍କ ଘରେ ମଧ୍ୟ ପହଞ୍ଚିଛନ୍ତି। ଏହି ସମୟରେ ରାଜସ୍ଥାନ ରୟାଲ୍ସ ଦଳ ପକ୍ଷରୁ ଏକ ଭିଡିଓ କ୍ଲିପ ଶେୟାର କରାଯାଇଛି। ଏହି ଭିଡିସ ରାହୁଲ ତେୱତିଆ ଏକ କାଚ ବୋତଲକୁ ପ୍ରପୋଜ୍ କରୁଥିବାର ନଜର ଆସିଛନ୍ତି। କେବଳ ଏତିକି ନୁହେଁ, ସେ ବୋତଲକୁ ଚୁମ୍ବନ ଦେଇ କହୁଛନ୍ତି ମୁଁ ତୁମକୁ ଭଲ ପାଏ। ତାଙ୍କର ଏହି ଭିଡିଓ ଏବେ ଭାଇରାଲ ହୋଇଛି।
ରାଜସ୍ଥାନ ରୟାଲ୍ସ ଦଳ ରବିବାର ଏକ ଭିଡିଓ କ୍ଲିପ ଶେୟାର କରିଛନ୍ତି ଯେଉଁଥିରେ ଦଳର ଅନେକ ଖେଳାଳି ନଜର ଆସିଛନ୍ତି। ଏହା କାହାର ଜନ୍ମଦିନ ପାର୍ଟି ପରି ଦେଖାଯାଉଛି। ଭିଡିଓର କ୍ୟାପସନରେ ଲେଖାଯାଇଛି – ରାହୁଲ ତେୱତିଆ ଏବେ ପ୍ରପୋଜ କରୁଛନ୍ତି।
ରାହୁଲ ତେୱତିଆ ଆଇପିଏଲ୍ ସ୍ଥଗିତ ହେବା ପର୍ଯ୍ୟନ୍ତ ୭ଟି ମ୍ୟାଚ ଖେଳି ୮୬ ରନ ସ୍କୋର କରିବା ସହିତ ୨ ଉକେଟ ନେଇଥିଲେ। ସେ ୨୦୧୪ ଠାରୁ ଏହି ଟି -୨୦ ଲିଗର ଏକ ଅଂଶ ଅଛନ୍ତି।