ମୁମ୍ବାଇ,୨୨।୪: ଜୋଶ୍ ବଟଲରଙ୍କ ଶତକ ସହାୟତାରେ ରାଜସ୍ଥାନ ରୟାଲ୍ସ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍)ର ଶୁକ୍ରବାର ଅନୁଷ୍ଠିତ ମ୍ୟାଚରେ ଦିଲ୍ଲୀ କ୍ୟାପିଟାଲ୍ସକୁ ୧୫ ରନରେ ପରାସ୍ତ କରିଛି। ହାଇସ୍କୋରିଂ ମ୍ୟାଚରେ ରାଜସ୍ଥାନ ୨୦ ଓଭରରେ ୨ ଉଇକେଟ ହରାଇ ୨୨୨ ରନ୍ କରିଥିବା ବେଳେ ଦିଲ୍ଲୀ ୨୦ ଓଭରରେ ୮ ଉଇକେଟ ହରାଇ ୨୦୭ ରନରେ ସୀମିତ ରହିଥିଲା। ଶେଷ ଓଭରରେ କ୍ରମାଗତ ୩ ଛକା ସହ ରୋଭମାନ ପାଓ୍ବେଲ ୧୫ ବଲ୍ରୁ ୩୬ (୫ ଛକା) ରନ କରିଥିଲେ ହେଁ ଦଳକୁ ବିଜୟୀ କରାଇପାରି ନ ଥିଲେ। ଅଧିନାୟକ ରିଷଭ ପନ୍ତ ସର୍ବାଧିକ ୪୪ ରନ କରିଥିଲେ। ଏହି ବିଜୟ ସହ ରାଜସ୍ଥାନ ପଏଣ୍ଟ ଟେବୁଲର ଶୀର୍ଷକୁ ଉନ୍ନୀତ ହୋଇଛି। ଅଧିନାୟକ ରିଷଭ ପନ୍ତ ୨୪ବଲ୍ରେ ୪୪ରନ୍ ଏବଂ ପୃଥ୍ବୀ ଶୋ ୨୭ବଲ୍ରେ ୩୭ ରନ୍ କରିଛନ୍ତି। ଏହାର ଜବାବରେ ୨ଓ୍ବିକେଟ ହରାଇ ରାଜସ୍ଥାନ ରୟାଲ୍ସ ୨୨୨ରନ୍ କରିବାକୁ ସମର୍ଥ ହୋଇଥିଲା। ଦଳ ପକ୍ଷରୁ ଜୋଶ୍ ବଟଲର ସର୍ବଧିକ ୧୧୬ରନ୍ କରିଥିଲେ। ୬୫ବଲ୍ରେ ୯ଟି ଛକା ଓ ୯ଟି ଚୌକା ମାରିଥିଲେ। ସେହିପରି ଖଲିଲ ଅହମ୍ମଦ ୪ଓଭରରେ ୪୭ରନ୍ ଦେଇ ୧ଓ୍ବିକେଟ, ପ୍ରଶିଦ୍ଧ କ୍ରିଷ୍ଣା ୪ଓଭରରେ ୨୨ରନ୍ ଦେଇ ୩ଟି ଓ୍ବିକେଟ ଓ ରବିଚନ୍ଦ୍ରନ ଅଶ୍ୱିନ ୪ଓଭରରେ ୩୨ରନ୍ ଦେଇ ୨ଟି ଓ୍ବିକେଟ ହାତେଇଥିଲେ।